SAN MATEO 23:9 - Nuevo Testamento en Quichua Cañar 1996

⁹ Cancunapac taitaca, jahua pachapi tiyac Taita Diosmi. Chaimanta cai pachapica, pitapish ‘taitami’ nishpaca, mana ninachu canguichic.

Dios Rimashcata Quillcashcami

⁹ Cancunapac taitaca, jahua pacha Diosmi. Chaimanta cai pachapica, ama pita “taitami” ninguichicchu.

SAN MATEO 23:9 Iomraidhean Croise

SAN MATEO 23:10

Shinallatac cancunata yachachicca, Quishpichic Cristomi. Chaimanta cancunata ‘yachachic’ nishpa c'ayachunca, mana munanachu canguichic.

SAN MATEO 6:32

Chai shinaca, Diosta mana ricsiccunami chai yuyailla causancuna. Jahua pachapi tiyac cancunapac Taita Diosca, cancunapac ima illashcataca ña yachanmi.

SAN MATEO 7:11

Cancuna millaicuna cashpapish, cancunapac huahuacuna imata mañacpica, allicunatami cunguichic. Ashtahuanpish jahua pachapi tiyac cancunapac Taita Dioscarin, maijanpish mañaccunamanca allicunatami cunga.

HECHOS 22:1

—Caipi tandanacushca Israel huauquicuna, taitacuna, ñuca huillashcata uyaichic. Ñuca ima shina cashcataca, cancunaman huillasha ninimi— nirca.

1 CORINTIOS 4:15

Cancunaca Cristomanta yachachiccunata chunga huarangata charishpapish, mana tauca taitacunata charinguichicchu. Alli huillaita ñuca huillacpi, cancuna Jesucristota crishpa paihuan shuc shinalla tucushcamantaca, cancunapac taita shinaca ñucami cani.

2 CORINTIOS 6:18

Shinallatac tucui imatapish ruhuac Mandac Diosca: “Cancunapac Taitami casha. Cutin cancunaca ñuca churicuna, ñuca ushicunami canguichic” ninmi.

HEBREOS 12:9

Ñucanchic taitacunaca ñucanchic uchilla huahuacuna cashpa, ima mana allita ruhuacpica, llaquichiccunami carca. Chashna llaquichicpica, cazuccunami carcanchic. Shina cacpica ñucanchic causaita japingapacca, ¿ima nishpatac jahua pachapi causac ñucanchic Taita Diostaca mana cazushunyari?

1 JUAN 3:1

Ñucanchic Taita Dios mai c'uyashcamantami, ñucanchictaca paipac huahuacuna nishpa c'ayan. Chaica chai shinatacmi canchic. Chaimantami cai pachapaclla causaccunaca Diosta mana ricsishcamanta, ñucanchic paipac cashcatapish mana ricsincuna.