SAN MATEO 23:4 - Nuevo Testamento en Quichua Cañar 1996

⁴ Paicunaca maita mana pi aparipac llashacta apachic shinami, shuccunataca imatapish ruhuachunlla nincuna. Ashtahuanpish paicunaca dedollahuanpish mana tuparisha nic shinami, chaicunataca mana ruhuashun nincuna.

Dios Rimashcata Quillcashcami

⁴ Paicunaca maita mana aparipac llashacta apachic shinami, imatapish ruhuachunlla nincuna. Ashtahuanpish paicunaca dedollahuanpish mana tuparinchu.

SAN MATEO 23:4 Iomraidhean Croise

SAN MATEO 23:23

Mishqui shimi, jayac shungu fariseocuna, mandashcacunata yachachiccunalla, ¡aij, imachari tucunguichic! Cancunaca mentatapish, anistapish, cominotapish pasacmanta chungata cuccunami canguichic. Chashna cashpapish Moisés mandashcacunapi ashtahuan ruhuana cashcata yachachishcataca, mana cazunguichicchu. Chaipica cashcata ruhuachun, llaquic cachun, Diosta cric cachun ninmi. Cancunaca cai mandashcacunataca Diosman cunata mana saquishpami, ashtahuan pactachina canguichic.

SAN MATEO 23:3

Chaimanta cancunaca ima mandashcata yachachishpaca, cazushpa ruhuanatami canguichic. Ashtahuanpish ama paicuna ruhuacushcata c'atinguichicchu. Paicunaca mandashcacunata pactachinami nicushpapish, paicunallatacmi mana pactachincuna.

SAN LUCAS 11:46

Chashna nicpi, Jesusca cashnami nirca: —¡Aij, imachari tucunguichic, cancuna yachachiccunapish! Pi mana aparipac llashacta apachic shinami, shuccunataca imatapish ruhuachunlla ninguichic, ashtahuanpish cancunaca dedollahuanpish mana tuparisha nic shinami, chaicunataca mana ruhuashun ninguichicchu.

HECHOS 15:10

Chaimanta cunanca ñucanchic ñaupa taitacunapish, ñucanchicpish maita mana pactachipac cashcata, cunanlla criccunata chaita pactachichun nishpaca, Taita Diostami p'iñachicunguichic.

HECHOS 15:28

Diospac Espiritumanpish, ñucanchicmanpish alli cacpimi, cancunataca mana ashtahuan p'iñachingapac cai ruhuana cashcallatac nishun ninchic:

GÁLATAS 6:13

Shina cacpipish circuncisionta ruhuaccunapish mana tucui Moisés mandashcacunataca pactachincunachu. Chashna cashpapish paicuna taucacunata circuncisionta ruhuachishpa “allimi cani” ningapacllami, cancunataca circuncisionta ruhuachun nincuna.

1 JUAN 5:3

Maijanpish Diosta c'uyacca pai mandashcatami pactachin. Pai mandashcacunaca pactachinallami.

APOCALIPSIS 2:24

Tiatira pueblopi causac criccunamanta maijancunaca pai yachachishcata mana c'aticunguichicchu. Shinallatac cancunaca Satanaspac*f** jatunta yachanami nishcatapish mana yachacunata munashcanguichicchu. Chaimanta cancunataca ima ashtahuan ruhuanataca mana mandanichu.