SAN MATEO 21:44 - Nuevo Testamento en Quichua Cañar 1996

⁴⁴ Maijanpish cai rumipi mitcarishpa urmacca, polvoringami. Shinallatac cai rumi maijanpac jahuapi urmashpaca, tucuimi ñutuchinga— nirca.

Dios Rimashcata Quillcashcami

⁴⁴ Maijanpish cai rumipi mitcaricca polvoringami. Cai rumi maijanpac jahuapi urmashpaca, tucui ñutuchingami— nirca.

SAN MATEO 21:44 Iomraidhean Croise

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

SAN MATEO 21:45

Yuyaita japina parlocunahuan Jesús chashna nicta uyashpaca, curacunata mandac curacunapish, fariseocunapish:*f** “Ñucanchictami chashnaca nicushca” ninacurcacuna.

SAN MATEO 26:24

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari ashtahuan alli canman carca— nirca.

SAN MATEO 27:25

Shina nicpi paicunaca: —Ari, pai huañushcaca ñucanchic jahua, ñucanchic huahuacunapac jahuami canga— nircacuna.

SAN LUCAS 2:34

Simeonca paicunaman Taita Dios bendiciachun mañashca q'uipami, Jesuspac mama Mariataca cashna nirca: —Riqui, cai huahuamantami achca israelcuna chingaringacuna, chashnallatac achcacunami quishpiringacuna. Paica Dios munashcata ruhuashcamanta achcacuna p'iñana cashcata ricuchicmi canga.

SAN LUCAS 20:18

Maijanpish chai rumipi mitcarishpa urmacca, polvoringami. Shinallatac chai rumi maijanpac jahuapi urmashpaca, tucuimi ñutuchinga— nirca.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

ROMANOS 9:33

Chaitaca Dios quillcachishcapica: “Sión*f** pueblopimi shuc rumita churani. Chai rumipimi mitcarishpa urmangacuna. Pipish chai rumipi shunguta churacca mana pingaichishcachu canga” ninmi.

1 TESALONICENSES 2:16

Mana israelcunapish*f** quishpirichun nishpa ñucanchic huillashun nicpica, israelcunaca jarcanata munancunami. Chashna jarcashcamantami ashtahuan juchayuc tucuncuna. Chaimantami Taita Diosca paicunata p'iñashpa, yalli jatun llaquita paicunamanca ña cachashca.

1 PEDRO 2:8

Shinallatac: “Cai rumipimi mitcarishpa urmangacuna” nishcapish pactarcami. Paicunaca Dios rimashca shimita mana cazushcamantami mitcarincuna. Paicunataca ñaupamanmi Diosca chashna tucuchun nishca.