SAN MATEO 20:2 - Nuevo Testamento en Quichua Cañar 1996

² Ña tarishpaca, paicuna shuc punzhapi mashna cullquita japina cashcata parlashpami, paipac chagrapi uvasta pallachun cacharca.

Dios Rimashcata Quillcashcami

² Ña tarishpaca, shuc punzhapi mashnata paganata parlashpami, uvasta pallachun cacharca.

SAN MATEO 20:2 Iomraidhean Croise

SAN MATEO 18:28

Shina cachacpi chai runa chaimanta rishpaca, paiman ashalla cullquita debic runahuan tupashpami: ‘¡Debita cutichi!’ nishpa, cungacarashpa sipi callarirca.

SAN MATEO 20:1

Jahua pacha Taita Dios mandacucca, shuc chagrayuc amo paipac uvas chagrata pallachingapac, tutamanta utca gentecunata mashcangapac llucshic shinami.

SAN MATEO 20:13

Chashna nicpi amoca paicunapuramanta shucta c'ayashpaca: ‘Uyai, cantaca ima mana allitaca mana ruhuashcanichu. ¿Manachu shuc punzha mashna cullquita pagana cashcataca parlanacurcanchic?

SAN MATEO 20:3

Cutin ashtahuan punzhallata puebloman llucshishpaca, taucacuna plazapi yangalla tiyacuctami ricurca.

SAN MATEO 20:9

Chashna c'ayacpi pichca pacha chishita yaicuccuna shamucpica, tucui punzhamantami paicunamanca pagarca.

SAN MATEO 22:19

Impuestota pagana cullquita ricuchichic— nicpica, shuc denario*f** cullquitami ricuchircacuna.

SAN MATEO 9:37

Chaimantami Jesusca paipac yachacuccunataca: —Granota tandanaca achcamari. Tandaccunaca ashallacunami.

MARCOS 12:15

Paicuna nic tucushpalla tapushcata yachashpami Jesusca: —¿Ima nishpatac ñucataca chashna tapushpa, pandachishun ninguichic? Shuc cullquita ricuchingapac apamuichic— nirca.

SAN LUCAS 1:15

Taita Diosca paitaca jatun ningami. Paica vinotapish, ima machachic yacucunatapish mana ubiangachu. Mamapac huicsamanta pachami, Diospac Espirituhuan canga.

SAN LUCAS 10:35

Cayandic punzha chai Samaria runa ña rigrishpaca, ishcai denario*f** cullquita chai huasiyucman cushpami: ‘Cai runata cuidashpa cungui. Cai cullquimanta yalli imapi yaicucpipish, ñuca cutimushpaca cushallami’ nishpami saquirca.

SAN LUCAS 20:24

Cullquita apamuichic, ricungapac— nirca. Paicuna ricuchicpica: —Cai cullquipica, ¿pipac ñahuitac, shinallatac pipac shutitac tiyacun?— nishpa tapucpica: —Jatun mandac Cesarpac ñahuimi— nircacuna.

2 TIMOTEO 3:15

Shinallatac huahuamanta pachami Dios quillcachishcataca yachangui. Chaillatacmi Jesucristota crishpa quishpirichun yachacta ruhuanga.

APOCALIPSIS 6:6

Shinallatac chai chuscu animalman ricchacunapac chaupimanta shuc rimashpaca: “Ishcai libra trigollami shuc punzha trabajoca valinga. Shinallatac sucta libra cebadapish shuc punzha trabajollatacmi valinga. Shina cacpipish aceiteta, vinota ama imata ruhuanguichicchu” nishcatami uyarcani.