SAN MATEO 2:6 - Nuevo Testamento en Quichua Cañar 1996

⁶ ‘Judea llactapi tiyac Belenlla, canca tucui Judeapi tiyac jatun pueblocunapuramanta mana yalli uchillachu cangui. Canmantami shuc mandac llucshinga. Paimi ñuca acllashca israelcunataca pushanga’ nishcami— nircacuna.

Dios Rimashcata Quillcashcami

⁶ “Judea llacta Belenlla, canca tucui Judea pueblocunamanta alli nishca pueblomi cangui. Canmantami shuc mandac llucshinga. Paimi ñuca acllashca israelcunataca pushanga” nishcami— nirca.

SAN MATEO 2:6 Iomraidhean Croise

SAN MATEO 2:1

Judea llactapi tiyac Belén pueblopimi, Jesusca huacharirca. Chai punzhacunaca Herodesmi chai llactataca mandacurca. Chaipimi inti llucshic ladomanta, yachac runacuna Jerusalén puebloman shamurcacuna. Paicunaca lucerota ricushpa yachacuccunami carca.

SAN MATEO 28:18

Jesús paicunapacman cuchuyashpaca: —Taita Diosca ñucataca, cai pachapi jahua pachapi tucui imatapish Mandactami ruhuarca.

SAN JUAN 21:16

Chashna nicpipish, cutinllatacmi Jesusca: —Juanpac churi Simón, ¿ñucataca c'uyanguitacchu?— nishpa tapurca. Chashna tapucpi Pedroca: —Ari, Apunchic Jesús, canta c'uyac cashcataca canllatac yachanguimi— nirca. Shina nicpi Jesusca: —Shinashpaca, ñuca ovejacunata cuidangui— nirca.

SAN JUAN 7:42

¿Manachu Dios quillcachishcapica: ‘Quishpichic Cristoca mandac Davidpac aillupuramanta, pai huacharishca Belén pueblomanta shamunga’ nin?— nircacuna.

EFESIOS 1:22

Chashna cashcamantami tucui ima tiyashcacunata Cristo mandachun Taita Diosca curca. Shinallatac tandanacushca criccunata mandachunpish, Cristollamantacmi Diosca curca.

COLOSENSES 1:18

Shinallatac Cristomi tandanacushca criccunataca uma shina mandacun. Tandanacushca criccunaca paipac cuerpo shinami canchic. Pai manarac ima tiyacpi, ña tiyac cashcamanta, shinallatac huañushcacunapuramanta punta causaric cashcamantami, Taita Diosca tucuita punta cachun churarca.

HEBREOS 7:14

Ashtahuanpish ñucanchic Apunchic Jesusca Judapac aillupuramantami carca. Shina cashpapish Moisesca cai aillupuramanta curacuna shamuna cashcataca, jaicapi imata mana nircachu.

APOCALIPSIS 11:15

Canchis niqui angelmi paipac cornetapi sinchita tocarca. Chashna sinchita tocacpimi, jahua pachapi caccunaca: —Tucui cai allpa pachapi cac llactacunaca, ñucanchic Taita Diospac, shinallatac pai cachashca Quishpichic Cristopac mandanami tucushca. Paimi huiñai huiñaita mandanga— nishpa, sinchita caparishcatami uyarcani.

APOCALIPSIS 2:27

Ima shinami ñuca Taita ñucaman mandanata curca, shinallatacmi paicunamanpish cusha. Shina cucpica fierro varahuan mandashpami, allpa mangata shina ñutuchinga.

APOCALIPSIS 7:17

Ashtahuanpish chai mandashpa tiyarinapac chaupipi cac Pactalla Ovejallatacmi michinga. Paillatacmi huiñai causaita cuc yacumanpish pushanga. Shinallatac tucui huiquicunatapish Taita Diosmi paicunapac ñahuicunamanta p'ichanga— nirca.