SAN MATEO 2:2 - Nuevo Testamento en Quichua Cañar 1996

² Paicunaca: —¿Israelcunata*f** mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nircacuna.

Dios Rimashcata Quillcashcami

² Paicunaca: —¿Israelcunata mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nirca.

SAN MATEO 2:2 Iomraidhean Croise

SAN MATEO 2:3

Chaita uyashpami, mandac Herodesca ima mundota mancharirca. Jerusalenpi causaccunapish, chashnallatacmi mancharircacuna.

SAN MATEO 21:5

“Sión*f** pueblopi causaccunaman cashna nishpa huillaichic: ‘Riquichic, cancunata Jatun Mandacca c'uyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun’ ” nishcami.

SAN MATEO 27:11

Mandac Pilatopac ñaupapi Jesús shayacucpimi Pilatoca: —¿Canchu israelcunata*f** Jatun Mandac cangui?— nishpa tapurca. Shina nicpi Jesusca: —Ari, canllatac ña nishcanguimi— nirca.

SAN LUCAS 19:38

Chashna Jesusta caparicushpaca: —Taita Dios cachashca shamucuc Jatun Mandac, ¡cantaca alli nishca cachun! ¡Jahua pachapipish alli sumac cushicui cachun! ¡Taita Diostapish alli nishca cachun!— nishpami caparircacuna.

SAN LUCAS 2:11

Cunanmi David huacharishca Belén pueblopica, gentecunata Quishpichic huacharishca. Paimi tucuita Mandac, Quishpichic Cristo.

SAN LUCAS 23:3

Chashna nicpimi Pilatoca: —¿Canchu israelcunata Jatun Mandac cangui?— nishpa tapurca. Shina nicpimi, Jesusca: —Ari, ña canllatac ninguimi— nirca.

SAN LUCAS 23:38

Jesusta chacatashca uma jahua caspipica, griego*f** rimaipi, latín*f** rimaipi, hebreo*f** rimaipi: “Caica Israelcunata Jatun Mandacmi” nishpa, quillcashca tiyacurca.

SAN JUAN 1:49

Shina nicpi Natanaelca: —Yachachic, canca Diospac Churimi cangui, israelcunata Jatun Mandacpishmi cangui— nirca.

SAN JUAN 12:13

ramacunata p'itishpa tupangapac llucshircacuna. Chashna llucshishpaca: —¡Taita Diostaca alli nishca cachun! ¡Taita Dios cachashca shamuc, israelcunata*f** Jatun Mandacca tucuipac alli nishca cachun!— nishpami caparircacuna.

SAN JUAN 18:37

Chaita uyashpami Pilatoca: —Shinashpaca, ¿canca mandacchu cangui?— nicpi Jesusca: —Can nishca shinallatacmi cani. Ñucaca cashcata huillangapacmi cai pachapi huacharingapac shamurcani. Cashcata rimashcata cazuccunallami, ñuca rimashcata uyancuna— nirca.

SAN JUAN 19:19

Chaipimi Pilatoca shuc quillcashcata cruz jahuapi churarca. Chai quillcashcapica: “Israelcunata Jatun Mandac, Nazaret pueblomanta Jesusmi” nishpami quillcashca carca.

SAN JUAN 20:28

Chashna nicpi Tomasca: —¡Ñucata Mandac Apunchic Jesuslla, ñuca Dioslla!— nirca.

SAN JUAN 5:23

Shina cashcamantami ñuca Taitaman maijanpish cungurisha niccunaca, Churiman cunguringacuna. Maijanpish Churiman mana cunguricca, ñucata cachac Taitamanpish mana cungurinchu.

SAN JUAN 9:38

Shina nicpi, paica cungurishpami: —Apunchic Jesús, crinimi— nirca.

HEBREOS 1:6

Ashtahuanpish Dios quillcachishcapi Taita Dios paipac shuclla Churita cai pachaman cachasha nishpaca: “Tucui ñuca angelcuna paita alli ninguichic” ninmi.

APOCALIPSIS 22:16

Shinallatac Jesusca: —Ñucaca Jesusmi cani. Ñucami tucui tandanacushca criccunaman huillachun ñuca angelta cacharcani. Ñucami yura retoñac shina, Davidpac aillupuramanta shamushcaca cani. Ñucaca tutamanta llucshic jagan nicuc lucero shinami cani— nirca.