SAN MATEO 18:9 - Nuevo Testamento en Quichua Cañar 1996

⁹ Shinallatac cambac ñahui ima juchapi urmachisha nicpica, llucchishpa shitai. Ishcai ñahuindic ucu pacha ninapi shitashca canapac randica, chulla ñahuilla jahua pachapi causangapac yaicunami canmanca ashtahuan alli canga.

Dios Rimashcata Quillcashcami

⁹ Cambac ñahui juchapi urmachicpica, llucchishpa shitangui. Ishcai ñahuindi ucu pacha ninapi shitashca canapac randica, chulla ñahuilla jahua pachapi yaicunami canmanca ashtahuan alli canga.

SAN MATEO 18:9 Iomraidhean Croise

SAN MATEO 16:26

Maijanpish cai pachapi tucui ima tiyashcata charishpapish, huiñai causaita chingachishpaca, ¿ima allitac cangayari? Chashna chingarishpa, pai quishpiringapacca, ¿imatatac cui pudinga?

SAN MATEO 18:8

Chaimanta cambac maqui, cambac chaqui ima juchapi urmachisha nicpica, p'itishpa shitangui. Ishcai chaquindic, ishcai maquindic mana huañuc ninapi shitashca canapac randica, chulla chaquilla, chulla maquilla jahua pachapi causangapac yaicunami canmanca ashtahuan alli canga.

SAN MATEO 19:17

Chashna nicpi Jesusca: —¿Ima nishpatac alli canamanta tapungui? Allica, shucllami tiyan. Chaimanta huiñai causaiman yaicusha nishpaca, mandashcacunata pactachingui— nirca.

SAN MATEO 5:22

Ashtahuanpish ñucacarin cashnami nini: Maijanpish p'iñactaca, juezpacman apashpa llaquichishcami canga. Maijanpish muspa nictaca, mandaccunapura tandanacushcapacman apashpa, llaquichishcami canga. Maijanpish maipish cachun rimactaca, ucu pacha ninaman shitana nishcami canga.

SAN MATEO 5:29

Chashna cashcamanta cambac alli lado ñahui juchapi urmachisha nicpica, surcushpa shitangui. Can quiquinllatac ucu pacha ninaman shitashca canapac randica, chulla ñahuillata chingachinami canmanca ashtahuan alli canga.

MARCOS 9:47

Chashnallatac cambac ñahui ima juchapi urmachisha nicpica, surcushpa shitangui. Ishcai ñahuindic ucu pachapi shitashca canapac randica, Taita Dios mandacucmanca shuclla ñahuihuan yaicunami canmanca ashtahuan alli canga.

HECHOS 14:22

Chai pueblocunaman chayashpa, chaipi causac criccunataca: “Jesusta crishcata mana saquishpa, alli c'atichic” nircacunami. Shinallatac: “Tucui laya llaquicunata apashpami, Taita Dios mandacucmanca yaicuna canchic” nircacuna.

HEBREOS 4:11

Chai ñaupa mana cazuccuna shina shucllapish ama chashna tucungapacca, mana saquirishpami chai samarinaman yaicungapac ñucanchicca c'atirana canchic.

APOCALIPSIS 21:27

Shina cacpipish chai pueblomanca juchayuccunapish, millaita ruhuaccunapish, llullaccunapish mana yaicungachu. Ashtahuanpish Pactalla Oveja charicuc, huiñaita causangapac quillcachina libropi shutita quillcachishcacunallami chaimanca yaicunga.