SAN MATEO 18:7 - Nuevo Testamento en Quichua Cañar 1996

⁷ Cai pachapica, imapish juchapi urmachic munaicunaca tiyangallatacmi. Shina cacpipish maijanpish juchapi urmachicca, ¡aij, imachari tucunga!

Dios Rimashcata Quillcashcami

⁷ Cai pachapica, juchapi urmachiccunaca tiyangallatacmi. Mana tucuringachu. Shina cacpipish, ¡juchapi urmachicca, imachari tucunga!

SAN MATEO 18:7 Iomraidhean Croise

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN MATEO 26:24

Runa Tucungapac shamushca*f** ñucataca, Dios quillcachishcapi nishca shinallatacmi huañuchingacuna. Ashtahuanpish ñucata japichic runaca, ¡aij, imachari tucunga! Chai runaca mana huacharishca cashpachari ashtahuan alli canman carca— nirca.

MARCOS 13:7

Cancunaca quiquin llactapipish, caru llactacunapipish ‘ima mundo macanacuicunami tiyan’ ninacuctapish uyanguichicmi. Chaita uyashpapish, ama mancharinguichicchu. Chashna achca llaquicunaca tiyangallatacmi. Chashna tucucpipish, cai pachaca manarac tucuringachu.

SAN LUCAS 17:1

Jesusca paipac yachacuccunataca: “Juchapi urmachic millai munaicunaca tiyangallatacmi. Shina cacpipish shuccunata maijanpish juchapi urmachicca, ¡aij, imachari tucunga!

SAN JUAN 17:12

Cai pachapi ñuca paicunahuan cashpaca, can imatapish ruhuaclla cashcata ricuchishpami huacaichircani. Can cushcacunataca tucuitami huacaichircani. Shucllapish mana chingarircachu, ashtahuanpish chingaringapac cashca runallami can quillcachishcapi nishca shina pactachun chingarirca.

HECHOS 1:16

“Caipi tandanacushca tucui criccuna. Jesusta Judas japichina cashcataca, ñaupamanmi Diospac Espíritu yuyaita cushpa, Davidman quillcachishca. Chaica pactanami carca.

1 CORINTIOS 11:19

Cancunapurapi alli cric cashca ricurichunca, ch'icanyarinacui tiyanami alli can.

1 TIMOTEO 6:1

Amo randishcamanta huatashca shina serviccunata, paicuna Diosta cric cashcamanta paicunapac amocunata alli cazuchun yachachingui. Chashna cazucpimi, Taita Diostapish shinallatac ñucanchic yachachishcatapish mana allichu nishpa pi mana rimangacuna.

TITO 2:5

Shina yachachicpimi, paicunapish alli yuyaihuan purishpa quiquinllatac huacaichirinatapish, cusata cazunatapish, shinallatac huasipi ima tiyashcata allita ricunatapish yachacunga. Shina cacpimi, Diosmanta huillashcataca pipish mana allichu nishpa mana rimangacuna.

TITO 2:8

Shinallatac ama pi juchanchichunca, rimana cashcallata rimangui. Shina rimacpimi, maijanpish ñucanchicta p'iñaccunaca pingashpa, mana imata ni pudingacuna.

SAN JUDAS 1:4

Chaica ñucanchicpurahuanmi, llullashpa yachachishpa maijan llullac huillaccuna tandarishca. Chaicunatami ñaupa punzhacunamanta pacha Diosca jatun llaquiman rina cashcata huillashca. Chaicunaca millai runacunami. “Ñucanchic Taita Dios c'uyacmi” nic tucushpallami, imapipish mana jarcarishpa, mana alliman pushancuna. Chashna ruhuashpami, ñucanchicta Mandac shuclla Apunchic Jesucristotapish “paica mana quishpichicchu” nincuna.