SAN MATEO 18:10 - Nuevo Testamento en Quichua Cañar 1996

¹⁰ Pacta cai uchilla huahua shinacunata ‘imapac mana valinchu’ nishpa p'iñanguichicman. Ñucaca cashnami nini: Paicunata ricuracuc angelcunaca tucui causaipimi, jahua pacha ñuca Taitapac ñaupapi causacuncuna.

Dios Rimashcata Quillcashcami

¹⁰ Cai huahuacuna shinapuramanta maijanta ama mana valichinguichicchu. Ñucaca: Paicunata jahua pacha Taitapac ñahuita ricuc angelcunami cuidacun ninimi.

SAN MATEO 18:10 Iomraidhean Croise

SAN MATEO 1:20

Pai chashna yuyacucpipish, Taita Dios cachashca angelmi muscuipi ricurishpaca: “Davidpac huahua huahuapuramanta José, Mariahuanca cazarailla, ama manchaichu. Pai charigricuc huahuaca, Diospac Espiritumantami.

SAN MATEO 12:20

Huishtuyashca huamactapish mana p'aquingachu, shinallatac ashalla japiricuc michatapish pai tucuita mishashpa mandana punzhacamanca mana huañuchingachu.

SAN MATEO 18:14

Chashnallatacmi jahua pachapi cac cancunapac Taitapish, cai uchilla huahua shinacunataca shucllapish ama chingarichun munan.

SAN MATEO 18:6

Maijanpish cai uchilla huahua shina ñucata c'aticcunata juchapi urmachictaca, shuc jatun cutana rumita cungapi huatashpa, jatun cucha chaupipi shitanami ashtahuan alli canman.

SAN MATEO 2:13

Ña yachac runacuna rishca q'uipaca, Mandac Taita Dios cachashca ángel muscuipi Joseman ricurishpaca: “Mandac Herodesmi huahuataca huañuchingapac mashcachigricun. Chaimanta jatari. Huahuata apashpa, paipac mamandic Egipto llactaman ri. Ñuca ima horas shamuchun ningacaman chaipi cagri” nirca.

SAN MATEO 2:19

Ña Herodes huañushca q'uipaca, Mandac Taita Dios cachashca angelmi José Egiptopi cacpi, muscuipi ricurishpaca:

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN LUCAS 1:19

Chashna nicpi, angelca cashnami nirca: —Ñucaca Diospacta ruhuangapac, paipac ñaupapi shayacuc ángel Gabrielmi cani. Paimi canman cai alli huillaita huillachun cacharca.

SAN LUCAS 10:16

Jesusca paipac yachacuccunataca: “Maijanpish cancuna ima nishcata uyacca, ñuca nishcatami uyan. Shinallatac cancunata p'iñacca, ñucatami p'iñan. Ñucata p'iñacca, ñucata cachac Taitatapish p'iñanmi” nirca.

SAN LUCAS 16:22

Chashna huaccha runa ña huañucpica, angelcuna shamushpa, jahua pachapi causacuc ñaupa taita Abrahampac cuchumanmi paipac almataca aparcacuna. Shinallatac chai chayuc runapish huañucpica, enterrashcami carca.

HECHOS 10:3

Shuc punzha chaupi chishi shinata Taita Diosman mañacucpimi, Dios cachashca angelca muscuipi shina cungailla ricurishpaca: —Cornelio— nirca.

HECHOS 12:15

Chashna huillacpica: —Musparingui shinami— nicpi, chai huambraca: —¡Mana, paitacmi!— nirca. Chashna nicpipish paicunaca: —Mana paichu canga. Paihuan puric angelmi canga— nircacuna.

HECHOS 12:23

Chashna nicta uyashpa, paica ashtahuan “Dios shinami cani” nirishcamantaca, Mandac Dios cachashca ángel ung:uita churacpi, Herodesca c'urucuna micushcami huañurca.

HECHOS 27:23

Ñucaca Taita Diospac cashpami, paita servini. Chashna cashcamantami Taita Diosca cunan tuta paipac angelta cachashpaca:

HECHOS 5:19

Chashna churachicpipish, Dios cachashca ángel tuta shamushpami, cárcel punguta pascashpa, paicunata llucchishpaca:

ROMANOS 14:10

Shina cacpica, ¿ima nishpatac caishuc crictaca p'iñashpa rimangui? ¿Ima nishpatac caishuc crictaca p'iñangui? Tucuimi Diospac ñaupapica ricurigrishun. Paimi allitapish, mana allitapish ninga.

ROMANOS 14:21

Shuctac criccuna ama pandarichunca aichatapish mana micushpa, vinotapish mana ubiashpa, shinallatac ima shuctaccunatapish mana ruhuashpami ashtahuan alli canman.

ROMANOS 15:1

Ñucanchic sinchi criccunaca manarac alli yachac criccuna ama pandarishpa, crishpa c'atichun ayudanami canchic. Ñucanchicpaclla alli cachunca, imatapish mana ruhuanachu canchic.

1 CORINTIOS 11:22

Cancunaca micungapac, ubiangapacca, ¿manachu quiquin huasita charinguichic? Chai shina ruhuashpaca, Diospaclla cac tandanacushca criccunata mana allipi churashpami, imata mana chariccunataca pingaipi churanguichic. ¿Chai shina ruhuaccunataca allimi ninachu cani? ¡Chai shinaca mana ninachu cani!

1 CORINTIOS 16:11

Chaimanta cancunapuramanta maijanpish paitaca ama yangallapi churanguichicchu. Chaipac randica, pai ñucata cushilla ricungapac shamuchun ayudaichic. Ñucaca caishuc criccunahuanmi shuyacuni.

1 CORINTIOS 9:22

Manarac sinchi criccunahuan cashpaca, paicuna quishpirichunmi paicuna shina tucuni. Chashna tucui laya tucushpaca, maijancunallapish quishpirichunmi imapish tucuni.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

2 CORINTIOS 10:10

Ñucataca maijancunaca: “Pai quillcashpa rimashpaca, sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

GÁLATAS 6:1

C'uyashca criccuna, cancunapuramanta maijan juchapi urmashcata ricushpaca, pai allichirichun Diospac Espíritu yuyaita cushca causaccunaca ayudanami canguichic. Chashna ayudashpaca, c'uyac shunguhuan sumacta ayudangui. Pacta canpish chai shina tucunguiman.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

HEBREOS 1:14

Shina cacpica angelcunaca, ¿imatac canga? Angelcunaca Diospacta ruhuachun churashca espiritucunallami, shinallatac quishpirinata chasquiccunata ayudachun cachashcacunallami.

HEBREOS 9:24

Apunchic Jesusca jahua pachapi ima shina cacllata ricuchic, gentecunalla ruhuashca carpa huasimanca mana yaicurcachu, ashtahuanpish ñucanchicmanta Taita Diosman mañangapacmi, jahua pacha Diospac ñaupamantatac yaicurca.

APOCALIPSIS 8:2

Chai q'uipaca canchis angelcuna Taita Diospac ñaupapi shayacuctami ricurcani. Paicunaca canchis cornetatami chasquirca.