SAN MATEO 12:12 - Nuevo Testamento en Quichua Cañar 1996

¹² Runacarin ovejatapish atishpami, ashtahuan valin. Chaimanta samana punzhapica, imapish allitaca ruhuanallami— nirca.

Dios Rimashcata Quillcashcami

¹² Runaca ovejatapish yalli valinmi. Chaimanta samana punzhapica, imapish allitaca ruhuanallami— nirca.

SAN MATEO 12:12 Iomraidhean Croise

SAN MATEO 10:31

Chashna cashcamanta gentecunataca mana manchanachu canguichic. Cancunacarin, achca zhutacunatapish yalli valicmari canguichic.

SAN MATEO 6:26

Zhutacunata ricushpallapish yuyarichic. Paicunaca mana tarpunchu, mana tandanchu, chashnallatac grano huacaichinatapish mana huacaichincunachu. Chashna cacpipish jahua pachapi tiyac cancunapac Taita Diosca, paicunamanca caranllami. Cancunacarin, ¡zhutacunatapish yallimari valinguichic!

MARCOS 3:4

Chashna nishpami, chai ucupi tiyaccunataca: —Mandashcacunapi nishca shinaca, ¿samana punzhapica allita ruhuanachu alli canga, mana cashpaca mana allita ruhuanachu alli canga? ¿Huañuimanta quishpichinachu alli canga, mana cashpaca causaita quichunachu alli canga?— nishpa tapurca. Shina tapucpica, imata mana nishpa upalla saquirircacunallami.

SAN LUCAS 12:24

Zhutacunata ricushpallapish yuyarichic. Paicunaca mana tarpunchu, shinallatac granotapish mana tandachinchu, mana huacaichinchu. Maipi huacaichinallatapish mana charincunachu. Chashna cacpipish Taita Diosca paicunamanca caranllami. ¡Cancunacarin, zhutacunatapish yallimi canguichic!

SAN LUCAS 14:1

Chai q'uipami, samana punzhapi*f** Jesusca mandac fariseopac*f** huasipi micugrirca. Chaipi micucucpimi, caishuc fariseocunaca Jesusta ima shinapish juchanchingapac chapacurcacuna.

SAN LUCAS 6:9

Jesusca paita juchanchishun nicuccunataca: —Cancunataca caillata tapusha: Mandashcacunapi nishca shinaca samana punzhapica, ¿imata ruhuanatac alli canga? ¿Allita ruhuanachu, mana cashpaca, mana allita ruhuanachu alli canga? ¿Huañuimanta quishpichinachu alli canga? Mana cashpaca, ¿causaita quichunachu alli canga?— nishpa tapurca.