SAN MATEO 11:5 - Nuevo Testamento en Quichua Cañar 1996

⁵ Ñahui mana ricuccuna ricucushcatapish, suchucunapish alli puricushcatapish, leprahuan*f** ungushcacuna alliyashcatapish, rinri mana uyaccuna uyacushcatapish, huañushcacunata causachishcatapish, shinallatac huacchacunaman alli huillaita huillashcatapish parlagrichic.

Dios Rimashcata Quillcashcami

⁵ Ñahui mana ricuccuna ricucushcatapish, suchucunapish puricushcatapish, leprahuan ungushcacuna alliyashcatapish, ringri mana uyaccuna uyacushcatapish, huañushcacunata causachishcatapish, huacchacunaman alli huillaita huillashcatapish huillagrichic.

SAN MATEO 11:5 Iomraidhean Croise

SAN MATEO 10:8

Shinallatac lepra*f** ung:uihuan caccunatapish, ima ung:uihuan caccunatapish alliyachinguichic, huañushcacunatapish causachinguichic, supaicunatapish llucchishpa cachanguichic. Chashna ruhuaclla cangapacca, ñucamantami yanga japishcanguichic. Chaimantami cancunapish yanga ruhuana canguichic.

SAN MATEO 11:4

Chashna tapucpi Jesusca: —Caipi imata ricushcatapish, uyashcatapish Juanman parlagrichic.

SAN MATEO 12:13

Chashna nishpami, chai runataca: —Maquita chutai— nirca. Runa maquita ña chutacpica, caishuc maqui shinallatacmi chai maquica alli saquirirca.

SAN MATEO 21:14

Diosman mañana huasipi Jesús cacpica, ñahui mana ricuccunapish, shinallatac suchucunapishmi shamurcacuna. Paicunataca Jesusca alliyachircami.

SAN MATEO 5:3

“Juchayuc cashcamanta Taita Diospac ñaupapi yangalla cashcata yuyaccuna, ¡cushicuichic! Jahua pacha Taita Dios mandacucca cancunapacmi.

SAN MATEO 9:30

Chashnami paicunapac ñahuica alli tucurca. Ña alli tucucpica Jesusca: —Pacta cancuna alli tucushcata piman huillanguichicman— nishpami cacharca.

MARCOS 7:37

Chashna parlacpica, tucui mashna munai mancharishpami: “Paica tucuitami allita ruhuan. Rinri mana uyaccunatapish uyachin, shimi mana rimaccunatapish rimachinmi” nircacuna.

MARCOS 9:25

Achca gentecuna jundarimucta ricushpami, Jesusca chai supaitaca: —¡Mana uyac, upata ruhuac supai, ñucami cantaca cai huambramanta llucshi nini! ¡Ama cutin paipi yaicunguichu!— nishpa, sinchita rimarca.

SAN LUCAS 4:18

“Ñucaca Diospac Espirituhuanmi cani. Taita Diosca ñucata acllashpaca, llaquilla causac huacchacunaman alli huillaita huillachun, shungupi llaquirishpa causaccunatapish alliyachichunmi cacharca. Prezu caccunamanpish, ña chaimanta llucshina tiyashcata huillachun, ñahui mana ricuccunata ricucta ruhuachun, llaquichishca causacuccunata llaquimanta cacharichichunpish cacharcami.

SAN JUAN 10:25

Chashna nicpimi, Jesusca cashna nirca: —Ña cancunamanca nircanica. Chashna nicpipish, cancunaca mana crircanguichicchu. Ñuca Taita mandacpi ñuca imata ruhuashcallatacmi, ñuca pi cashcataca allita ricuchicun.

SAN JUAN 10:38

Ñucaca ñuca Taita mandashcallatami ruhuani. Shina cashcamanta ñucata mana crishpapish, ñuca ruhuashcacunallatapish crichicyari. Chashna crishpami ñuca Taitaca ñucahuan cashcata, ñucaca paihuan cashcata alli yachanguichic— nirca.

SAN JUAN 2:23

Pascua*f** fiesta punzhacunapimi, Jesusca Jerusalén pueblopi cashpa, pi mana ruhuaipaccunata ruhuarca. Chashna ruhuacta ricushpami, achcacuna paita crircacuna.

SAN JUAN 3:2

Paimi Jesuspacman tuta rishpaca: —Yachachic. Ñucanchicca can Dios cachashca yachachingapac shamushcataca yachanchicmi. Pipish can ruhuacuc shina, pi mana ruhuaipaccunataca mana Dioshuan cashpaca, mana ruhuanmanchu— nirca.

SAN JUAN 5:36

Shina cacpipish ñuca pi cashcata ricuchingapacca, Juan huillashcata yalli ricuchictami charini. Ñucaca ñuca Taita ruhuachun nishcacunallatami ruhuacuni. Chai ruhuashcacunami ñuca Taita cachashcatapish, ñuca pi cashcatapish ricuchin.

SAN JUAN 9:7

Shina ruhuashca q'uipaca: —Cunanca ri, chai Siloé nishca uchilla cucha ruhuashca yacupi jahuarigri— nirca. (“Siloé” nishpaca, “cachashca” nisha ninmi). Chai ñahui mana ricuc runa jahuaringapac rishpaca, ña ricucuc ñahuihuanmi cutimurca.

HECHOS 2:22

Tucui israelcuna, cai ñuca huillashcata alli uyaichic: Taita Diosca Nazaret pueblomanta Jesusta cachashpami, pi mana ruhuaipaccunata ruhuachishpa, pi mana ricushcacunatapish ricuchishpa, Jesús pi cashcata cancunamanca ricuchirca. Chaitaca cancunallatac alli yachanguichicmi.

SANTIAGO 2:5

Ñuca c'uyashca criccuna, caita uyaichic: Taita Diosca cai pachapi imata mana chariccunataca, crishcahuan chayuc tucuchunmi acllarca. Dios maipi mandacucpi paita c'uyaccuna pai cusha nishcata japichunmi, chashnaca acllarca.