SAN MATEO 11:2 - Nuevo Testamento en Quichua Cañar 1996

² Quishpichic Cristo imata ruhuashpa puricushcataca, Bautizac Juanca carcelpi cashpami, yachac chayarca. Chashna yachashpami, paipac yachacuccunapuramanta maijancunata Jesusman tapuchun cacharca.

Dios Rimashcata Quillcashcami

² Juanca carcelpi cashpami Quishpichic Cristo imata ruhuashcataca yachac chayarca. Chaimantami paipac yachacuccunapuramanta ishcaita Jesusman tapuchun cacharca.

SAN MATEO 11:2 Iomraidhean Croise

SAN MATEO 1:17

Chashna cashpami, Abraham causacui punzhamanta David causai punzhacamanca, chunga chuscu taitacuna cashca. David causacui punzhamanta israelcunata Babilonia llactaman prezu apangacamanca, chunga chuscu taitacunami cashca. Chai punzhamanta Quishpichic Cristo huacharingacamanca, chunga chuscu taitacunami cashca.

SAN MATEO 14:3

Herodías huarmi nishcata uyashpami, Herodesca cadenahuan huatashpa Juantaca carcelpi churachishca carca. Herodiasca Herodespac huauqui Felipepac huarmimi carca.

SAN MATEO 4:12

Jesusca Bautizac Juan prezu cacta uyashpami, Galilea llactaman rirca.

SAN MATEO 9:14

Chai q'uipaca Bautizac Juanpac yachacuccuna shamushpami, Jesusmanca: —Ñucanchicpish, fariseocunapish*f** tauca cutinmi ayunanchic. ¿Ima nishpatac cambac yachacuccunaca mana ayunancunayari?— nishpa tapurcacuna.

MARCOS 6:17

Herodías huarmi nishcata uyashpami, Herodesca cadenahuan huatashpa Juantaca carcelpi churachishca carca. Herodías huarmica Herodespac huauqui Felipepac huarmimi carca. Herodesca chai huarmihuanmi apanacushpa causacurca.

SAN LUCAS 3:19

Chashnallatac mandac Herodestapish, paipac huauqui Felipepac huarmi Herodiashuan apanacushpa causacushcamanta, shinallatac tucui mana allicunata ruhuashcacunamantami “mana allichu” nishpa, Juanca rimarca.

SAN LUCAS 9:7

Galilea llactata mandac Herodesca, Jesús tucui imata ruhuacushcatami yachac chayarca. Chashna yachac chayashpapish, pi cashcata mana yacharcachu. Maijancunaca: “Bautizac Juanmi huañushcacunapuramanta causarimushca canga” nircacuna.

SAN JUAN 4:1

“Jesusca tauca c'aticcunata charin, shinallatac Juanta atishpami bautizacun” nishpa fariseocuna*f** puricushcatami, Jesusca yachac chayarca.