SAN MATEO 10:2 - Nuevo Testamento en Quichua Cañar 1996

² Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.

Dios Rimashcata Quillcashcami

² Chai chunga ishcai apostolcunaca: Pedro nishca Simón, paipac huauqui Andrés, Zebedeopac churicuna Jacobo, Juan,

SAN MATEO 10:2 Iomraidhean Croise

SAN MATEO 17:1

Sucta punzha q'uipami, Jesusca Pedrotapish, huauquindicpura Jacobotapish, Juantapish pushashpa, shuc jatun urcuman rirca.

SAN MATEO 20:20

Chai q'uipaca, Zebedeopac huarmi paipac ishcai c'ari huahuacunandic Jesusman mañangapac shamushpami, paipac ñaupapi cungurirca.

SAN MATEO 26:37

Chashna nishpami Jesusca Pedrotapish, Zebedeopac ishcai churicunatapish pushashpa rirca. Chashna rishpaca paipac shungupi llaquihuan cashpami, mai llaquiri callarirca.

SAN MATEO 4:18

Jesusca Galilea jatun cucha patata puricushpami, ishcai huauquindic runacunata ricurca. Shucca Simón nishca Pedro, shinallatac shucca Andresmi carca. Paicunaca pescadota japiccuna cashpami, linchita yacupi shitacurcacuna.

SAN MATEO 4:21

Jesusca chaimanta ashtahuan chainicman rishpaca, Zebedeopac churicuna huauquindicpura Jacobota, shinallatac Juantami ricurca. Paicunaca canoapimi, pescadota japina linchicuna lliquirishcata taita Zebedeohuan siracurcacuna. Jesusca paicunatapish c'ayarcami.

MARCOS 1:29

Tandanacuna huasimanta llucshishpaca, Jesusca Jacobohuan, Juanhuan, Simonpac, Andrespac huasimanmi rircacuna.

MARCOS 13:3

Chashna nishca q'uipaca, Olivos urcumanmi rircacuna. Chaiman chayashpa, Diosman mañana huasi chimbapurapi Jesús tiyaricpimi, Pedro, Jacobo, Juan, Andrespish paicunalla Jesusman tapushpaca:

MARCOS 6:30

Chai q'uipami, Jesús huillachun cachashca alli huillaita huillaccuna cutimushpaca, yachachishcatapish, tucui imalla ruhuashcatapish Jesusman parlarcacuna.

SAN LUCAS 11:49

Chaimantami Taita Diosca tucuita yachac cashpa, cashna nirca: ‘Ñuca ima nishcata huillaccunatapish, shinallatac ñuca acllashca huillaccunatapish cachashami. Chai cachashcacunamanta maijancunataca huañuchingacunami, maijancunataca mana ricunachishpa llaquichingacunami’ nirca.

SAN LUCAS 22:14

Ña micuna horas chayamucpica, Jesusca paipac yachacuccunandicmi mizapi micungapac tiyarirca.

SAN LUCAS 22:8

Chaimantami Pedrotapish, Juantapish Jesusca: —Richic, ñucanchic pascuata yuyarishpa, micunata micungapac allichigrichic— nirca.

SAN LUCAS 5:10

Zebedeopac churicuna Jacobopish, Juanpish Simonhuan puriccunami carca. Paicunapish chashna tucushcata ricushpaca, mancharircacunami. Chashna mancharicucpimi, Jesusca Simontaca: —Ama mancharichu. Canca cunanmantaca pescadocunata japic shinami, gentecunata Taita Diospacman pushamuc cangui— nirca.

SAN LUCAS 9:10

Jesús cachashca huillaccuna cutimushpaca, tucui imalla ruhuashcatami paimanca parlarcacuna. Chai q'uipami Jesusca paicunallahuan Betsaida pueblo cuchullaman rirca.

SAN JUAN 12:22

Felipeca Andresmanmi huillagrirca. Chaimantami ishcai tucushpa Jesusman huillagrirca.

SAN JUAN 13:23

Yachacuccunapuramanta Jesuspac shuc c'uyashca yachacucmi paihuan quimirishpa tiyacurca.

SAN JUAN 20:2

Chaita ricushpaca, Simón Pedropacman, shinallatac Jesús c'uyashca caishuc yachacucpacmanmi huillangapac callpashpa rirca. Chashna rishpa paicunapacman chayashpaca: —Apunchic Jesuspac cuerpotaca, maimanchari apashcacunami. Maipi churashcataca mana yachanichu— nirca.

SAN JUAN 21:2

Chaipica Simón Pedropish, ishcaipura huacharishca Tomaspish, Galileapi tiyac Caná pueblomanta Natanaelpish, Zebedeopac churicunapish, shinallatac Jesuspac yachacuccunapuramanta caishuc ishcai yachacuccunapish carcami.

SAN JUAN 21:20

Pedro huashata tigrarishpa ricushpami, Jesuspac c'uyashca yachacuc c'aticushcata ricurca. Chai yachacucllatacmi Jesús pascuata*f** yuyarishpa micucucpica, paipac ladopi quimirishpa tiyacushca carca. Shinallatac paillatatacmi: “Apunchic Jesús, ¿pitac chai canta japichicca?” nishpa tapushca carca.

SAN JUAN 21:24

Chai yachacucllatacmi caicunamanta huillacpish, caicunata quillcacpish can. Shinallatac pai huillashcaca mana llulla cashcatapish yachanchicmi.

SAN JUAN 6:67

Chaimantami Jesusca chunga ishcai yachacuccunataca: —¿Cancunapish shitashpa rishun ninguichicchu?— nishpa tapurca.

SAN JUAN 6:70

Shina nicpi Jesusca: —¿Manachu chunga ishcai yachacuccunata cancunataca acllarcani? Shina cacpipish cancunapuramanta shucca diablohuanmi— nirca.

SAN JUAN 6:71

Chashna nishpaca, Simón Iscariotepac churi Judasmantami Jesusca nicurca. Paica chunga ishcai yachacuccunapuramantami carca. Paimi q'uipataca Jesustaca japichirca.

SAN JUAN 6:8

Chaimantami Simón Pedropac huauqui caishuc yachacuc Andresca:

HECHOS 1:13

Ña Jerusalenman chayashpaca, paicuna pozacushca huasi altomanmi huichicurcacuna. Chai huasiman huichicuccunaca Pedro, Jacobo, Juan, Andrés, Felipe, Tomás, Bartolomé, Mateo, Alfeopac churi Jacobo, Celote*f** nishca Simón, shinallatac Jacobopac huauqui Judaspish carcacunami.

HECHOS 1:26

Chashna mañashpa suerteta ruhuacpica, Matiasmanmi urmarca. Chaimantami Matiasca Jesús acllashca chunga shuc huillaccunahuan tandanacurca.

HECHOS 12:2

Chashna japichishpaca, Juanpac huauqui Jacobotami espadahuan huañuchichun mandarca.

HECHOS 3:1

Shuc punzha ña chishiyamucucpimi, Diosman mañana horas cashcamanta Pedroca Juanhuan, Taita Diosman mañangapac Diosman mañana huasiman rircacuna.

1 CORINTIOS 15:7

Chai q'uipaca Santiagomanmi ricurirca. Shinallatac chai q'uipaca tucui pai acllashca huillaccunamanmi ricurirca.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

1 PEDRO 1:1

Ñucaca Jesús acllashca huillac Pedromi cani. Cai quillcataca quiquin llactamanta llucshishpa, caita chaita rishpa, Ponto, Galacia, Capadocia, Asia shinallatac Bitinia llactapi causac criccunamanmi quillcashpa cachani.

2 PEDRO 1:1

Ñucaca Jesús acllashca huillac, shinallatac Jesucristopacta ruhuac Simón Pedromi cani. Ñucanchic Dios Quishpichic Jesucristo cashcata ruhuac cashcamanta, ñucanchic shinallatac sumaimana crishcata chasquiccunamanmi, “allillachu canguichic” nishpa quillcashpa cachani.

2 JUAN 1:1

Ñucaca criccunata pushac cashpami, Dios acllashca tandanacushca criccunamanpish, mashnalla chaipi caccunamanpish tucui ñuca c'uyaihuan caita quillcani. Mana ñucallachu c'uyani, ashtahuanpish tucui mashnalla cashcata nic huillashcata uyashpa criccunapish c'uyancunami.

3 JUAN 1:1

Criccunata pushac ñucami ñuca tucui shunguhuan c'uyashca Gayoman cai quillcata quillcani.

APOCALIPSIS 1:1

Cai ricuchinataca Jesucristo paipacta ruhuaccunaman utca ima tucuna cashcata huillachunmi, Taita Diosca curca. Jesucristoca angelta paipacta ruhuac Juanpacman cachashpami caicunataca ricuchirca.

APOCALIPSIS 1:9

Ñucaca Jesucristomanta cancunapac huauqui Juanmi cani. Ñucaca Jesucristohuan shuc shinalla cashpami, cancunahuan pacta Dios mandacucpi cashpa, llaquita apashpa c'uyac shunguhuan ima llaquitapish apana yuyailla cani. Taita Dios Jesusman huillachishcata ñuca huillashcamantami, yacu chaupipi cac Patmos llactapi prezu carcani.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Taita Diosca chai pueblotaca chashna llaquichishca.

APOCALIPSIS 22:8

Cunan tucui caita uyashpapish, ricushpapish huillacca Juanmi cani. Tucui caicunata uyashpa ricushpaca, cungurishpami paipac chaquiman tucushpa caita ricuchic angeltaca alli nigrircani.