SAN MATEO 1:25 - Nuevo Testamento en Quichua Cañar 1996

²⁵ Joseca chashna cazarashpapish mana chayarinacushpami, María chai huahuata charingacamanca causarca. Chai huahuataca JESÚS shutitami shutichirca.

Dios Rimashcata Quillcashcami

²⁵ Joseca chashna cazarashpapish chai huahuata charingacamanmi Mariahuanca mana chayarinacurca. Chai huahuataca JESÚS shutitami shutichirca.

SAN MATEO 1:25 Iomraidhean Croise

SAN MATEO 1:21

Paica shuc c'ari huahuatami charinga. Chai huahuataca JESÚS shutitami shutichingui. Paimi tucui pai acllashcacunataca juchacunamanta quishpichinga. Chaimantami chai shutica canga” nirca.

SAN MATEO 1:24

José riccharishpaca, Taita Dios paipac angelman huillachishcata cazushpami, Mariahuanca cazararca.

SAN LUCAS 1:31

Canca huicsayuc tucushpa, shuc c'ari huahuatami charigringui. Chai huahuataca JESÚS shutitami shutichingui.

SAN LUCAS 2:21

Ña pusac punzha tucucpica, chai huahuata circuncisionta*f** ruhuachircacunami. Chaimantaca María manarac huicsayuc cacpi, ángel huillashca shutitami JESÚS nishpa shutichircacuna.

SAN LUCAS 2:7

Pozana huasi mana pactashcamantami, paipac punta c'ari huahuataca huagracuna shayana ucullapi sajuarirca. Chai huahuataca maitushpa, ucsha jahuallapimi sirichirca.

ROMANOS 8:29

Taita Diosca paipac Churi achca criccunamanta punta cachunmi, ñaupaman ricsishcacunataca callarimanta pacha paipac Churi Jesucristo shina cachun ch'icanyachirca.