MARCOS 7:7 - Nuevo Testamento en Quichua Cañar 1996

⁷ Paicunaca ñucata alli ningapac tandanacushpapish, yangallami tandanacuncuna. Shinallatac paicuna yachachishpapish, runacuna yachachishcallatami yachachincuna” nishcami.

Dios Rimashcata Quillcashcami

⁷ Paicunaca yangallami ñucata alli nincuna. Runacuna yachachishcallatami yachachincuna” nishcami.

MARCOS 7:7 Iomraidhean Croise

SAN MATEO 15:9

Paicuna ñucata alli ningapac tandanacushpapish, yangallami tandanacuncuna. Shinallatac paicuna yachachishpapish, runacuna mandashcallatami yachachincuna’ nishcami— nirca.

SANTIAGO 1:26

Maijanpish “ñucaca alli cricmi cani” nishpapish, paipac c'alluta mana jarcaricca paillatacmi pandaricun. Shinallatac pai “alli cricmi cani” nishcapish, yangallami can.

COLOSENSES 2:22

Tucui chai mandashcacunaca ubiacpi, micucpi tucurinallamantami huillan. Tucui chaicunaca gentecuna mandashpa yachachishcallami.

SAN MATEO 6:7

Shinallatac Taita Diosman mañashpaca, ama chai Diosta mana ricsiccuna shina imatapish cutin cutin chaillatatac nishpa mañaichicchu. Paicuna ashtahuan rimarishpa mañacpica, Taita Diosca ashtahuanmi uyanga yuyashpami, chashnaca mañancuna.

TITO 3:9

Shina cacpipish imapish yanga parlocunamanta, mana yupaipac ñaupa taitacunapac shuticunamanta, Moisés mandashcacunata pactachinami nishpa p'iñanacunamanta, shinallatac ima shuctac p'iñanacunamantapish huacaichiringui. Chaicunaca imapish mana alli cashpami yangalla can.

APOCALIPSIS 22:18

Tucui ima tucunata cai libropi Dios huillashpa quillcachishcata uyaccunataca cashnami nini: Maijanpish cai huillashcata yapachishpa huillactaca, Diosmi cai libropi huillashca llaquicunahuan yapachishpa llaquichinga.

SANTIAGO 2:20

Ama upa shina caichu. Can crishpapish, ima allita mana ruhuashpaca, mana crishca shinallatacmi cangui.

1 CORINTIOS 15:14

Cristo mana causarishca cacpica, ñucanchic huillashcapish, cancuna crishcapish yangami canman.

1 CORINTIOS 15:58

Shina cashcamanta ñuca c'uyashca criccuna, pi ama urmachichunca Apunchic Jesusta tucui shunguhuan crishpa c'atiraichic. Apunchic Jesuspac ruhuaitaca punzhanta ashtahuan ashtahuan ruhuacuichiclla. Apunchic Jesushuan shuc shinalla tucushcamantaca, cancuna imata ruhuashcapish mana yanga cashcataca cancunallatac yachanguichicmi.