MARCOS 3:9 - Nuevo Testamento en Quichua Cañar 1996

⁹ Chashna shamucpica, gentecuna ama ñitimuchun nishpami: —Shuc canoata utca apamushpa charicuichic— nishpa, Jesusca paipac yachacuccunataca mandarca.

Dios Rimashcata Quillcashcami

⁹ Chashna achca gentecuna shamushpa, ama ñitimuchunmi, Jesusca paipac yachacuccunataca canoata apamushpa charicuchun mandarca.

MARCOS 3:9 Iomraidhean Croise

SAN MATEO 15:39

Chai q'uipami Jesusca gentecunata “caya minchacaman” nishpa cacharca. Chai q'uipaca canoapi tiyarishpami, Magdala llactaman rirca.

MARCOS 4:1

Jesusca jatun cucha patapimi cutin yachachi callarirca. Chaimanmi achca gentecuna tandanacurcacuna. Shina tandanacumucpimi, yacupi cac canoapi yaicushpa, Jesusca tiyarirca. Chai tucui gentecunaca yacu patapimi saquirircacuna.

MARCOS 4:36

Jesús shina nicpimi, paipac yachacuccunaca tucui gentecunata “caya minchacaman” nishpa, Jesús tiyacushca canoallapitac tiyarishpa rircacuna. Shinallatac maijancunaca shuc canoacunapi tiyarishpami, Jesusta c'atishpa rircacuna.

MARCOS 5:2

Canoamanta Jesús llucshincami, supai japishca runaca panteonmanta shamushpa, Jesustaca tupagrirca.

MARCOS 5:30

Shina alli tucucpi Jesusca: “Ñuca alliyachiclla cashcahuanca, ñami maijantachari alliyachini” nirishpami, huashaiman tigrarirca. Chashna tigrarishpaca: —¿Maijantac ñuca churanapi tuparinchu, imami?— nishpami, chai tucui gentecunamanca tapurca.

MARCOS 6:32

Shina nishpami, paicunalla canoapi tiyarishpa cuchata chimbashpa, pi mana causana pambaman rircacuna.

SAN LUCAS 5:1

Shuc punzhami Jesusca Genesaret jatun cucha patapi carca. Taita Diosmanta Jesús chaipi huillacucpimi, uyangapac shamuccunaca t'angarinacushpa paita ñitimurcacuna.

SAN LUCAS 5:3

Jesusca shuc canoapimi huichicurca. Chai canoaca Simonpacmi carca. Jesusca Simontaca: —Cai canoata yacu patamanta ashata caruyachi— nicpimi, ashata caruyachirca. Jesusca chai canoapi tiyarishpami, tucui chai yacu patapi cac gentecunaman yachachirca.

SAN JUAN 6:15

Jesusca gentecuna paicunata mandachun pushagricushcata yachashpami, cutinllatac urcupi pailla cangapac rirca.