SAN LUCAS 9:50 - Nuevo Testamento en Quichua Cañar 1996

⁵⁰ Chashna nicpimi Jesusca: —Chashna ruhuactaca ama jarcanguichicchu. Maijanpish mana ñucanchicta p'iñacca, ñucanchichuan alli cashcatami ricuchin— nirca.

Dios Rimashcata Quillcashcami

⁵⁰ Chaimantami Jesusca: —Chashna ruhuactaca ama jarcanguichicchu. Maijanpish mana ñucanchicta piñacca, ñucanchic-huanmi— nirca.

SAN LUCAS 9:50 Iomraidhean Croise

SAN MATEO 12:30

Maijanpish mana ñucahuan tandaricca, ñucata p'iñacmi. Shinallatac maijanpish ñucahuan mana tandachicca, ñuca tandachishcatapish shiguashpa cachacmi.

SAN MATEO 17:24

Jesús paipac yachacuccunandic Capernaum puebloman chayacpica, Diosman mañana huasimanta impuestota japiccuna Pedropacman chayarishpaca: —Cancunapac yachachicca, ¿Diosman mañana huasimanta impuestota cunllachu?— nishpa tapurcacuna.

SAN MATEO 17:26

Shina nicpi Pedroca: —Carumanta shamuccunallamantami chasquincuna— nirca. Shina nicpi Jesusca: —Shinashpaca, quiquin llactapi causaccunaca mana paganachu canchic.

MARCOS 9:38

Shina nicpi Juanca: —Yachachic, cambac shutipimi shuc runaca gentecunamanta supaicunata llucchishpa cachacucta ricurcanchic. Paica mana ñucanchicpuramanta cacpimi, ‘ama chashna ruhuaichu’ nishpa jarcarcanchic— nirca.

MARCOS 9:41

Cancunaca Quishpichic Cristota c'aticcuna cashcamanta maijanpish cancunaman shuc vaso yacullatapish cucmanca, Taita Diosca japina cashcataca cungami. Chaica chashnatacmi— nirca.

SAN LUCAS 11:23

Maijanpish mana ñucahuan tandaricca, ñucata p'iñacmi. Shinallatac maijanpish mana ñucahuan tandachicca, ñuca tandachishcatapish shiguashpa cachacmi.

SAN LUCAS 16:13

Maijan servicpish ishcai amotaca mana servi pudinchu. Shuc amotaca p'iñangami, caishuc amotaca c'uyangami. Mana cashpaca, shuc amo mandashcata cazungami, cutin caishuc amotaca mana cazungachu. Chashnallatacmi maijanpish charicyana yuyailla cashpaca, Taita Diostaca mana servi pudin” nirca.

1 CORINTIOS 12:3

Chashna cashcamanta Diospac Espíritu maijanta rimachicucpica: “Jesusca ima llaquipish tucushca canman” nishpaca, mana ninmanchu. Shinallatac maijanpish Diospac Espíritu mana rimachicucpica: “Jesusca Mandacmi” nishpaca, mana ninmanchu.