SAN LUCAS 9:42 - Nuevo Testamento en Quichua Cañar 1996

⁴² Jesuspacman chai huambra ña cuchuyamucpica, cutinllatacmi supaica chucchuchishpa, pambaman urmachirca. Chashna cacpipish Jesusca chai supaitaca sinchita rimashpami, llucchishpa cacharca. Chashna alliyashca huambratami taitaman curca.

Dios Rimashcata Quillcashcami

⁴² Jesuspacman chai huambra cuchuyacucpica, cutinllatacmi supaica chucchuchishpa, pambaman urmachirca. Jesusca chai supaita sinchita rimashpami, llucchishpa cacharca. Chashnami alliyashca huambrata taitaman curca.

SAN LUCAS 9:42 Iomraidhean Croise

MARCOS 9:20

Ña apamucpi Jesusta supai ricushpaca, chai huambrataca chucchuchishpami pambaman urmachirca. Shinallatac huambraca shimiman puscuta shitashpami singurca.

SAN LUCAS 7:15

Chashna nicpimi, chai huañushca huambraca tiyarishcahuan parlai callarirca. Jesusca chashna causachishpami, mamaman curca.

SAN LUCAS 9:39

Cai huahuataca supai japishpami, yuyaita chingachishpa caparichicunlla. Shinallatac shimimanpish puscuta shitachishpa, llaquinayaita chucchuchishpami manatac saquin.

SAN LUCAS 9:41

Chashna nicpi Jesusca: —¡Aij, mana cric millai gentecunalla! ¿Ima punzhacamantac cancunamanca yachachishpa causacushalla? ¿Maicamanchari cancunahuanca llaquita apacushalla? Cambac huahuata caiman pushamui— nirca.

SAN LUCAS 9:43

Chashna jatun mancharinata Taita Dios ruhuashcata ricushpaca, tucui mashnami mancharishpa mana amirircacuna. Chashna pai imalla ruhuashcacunata ricushpa, gentecuna cushicuihuan mana amiricucpimi, Jesusca paipac yachacuccunataca:

SAN JUAN 6:19

Ña shuc pichca huaranga metro shina caruta ricushpami, yachacuccunaca Jesús yacu jahuata purishpa, paicunapacman cuchuyacucta ricurcacuna. Chaita ricushpami, munai mancharircacuna.

HECHOS 9:41

Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca.

APOCALIPSIS 12:12

¡Jahua pachapi causaccunaca cushicuichic! Ashtahuanpish allpa pachapi, shinallatac mama cucha yacupi causaccunaca, ¡aij, imachari tucunguichic! Ashalla punzhacuna tiyana cashcata yachashpami, diabloca yallita p'iñarishpa jahua pachamanta cancunapacman shamushca— nictami uyarcani.