SAN LUCAS 9:3 - Nuevo Testamento en Quichua Cañar 1996

³ Paicunataca: —Cancuna rishpaca, tauna caspitapish, cucayu muchilatapish, cullquitapish ama aparinguichicchu. Yanandic churanatapish ama apashpa, churashcallahuan ringuichic.

Dios Rimashcata Quillcashcami

³ Paicunata cachashpaca: —Ama imata apanguichicchu. Cucayutapish, taunatapish, cullquitapish ama aparinguichicchu. Yanandi churanatapish ama apanguichicchu.

SAN LUCAS 9:3 Iomraidhean Croise

MARCOS 6:7

Chai q'uipami Jesusca paipac chunga ishcai yachacuccunata c'ayashpa, paicunataca supaicunata llucchicllacunata ruhuashpa, ishcai ishcaita cacharca.

SAN LUCAS 12:22

Jesús chashna nishca q'uipami, paipac yachacuccunataca: “Chashna cashcamanta cancunaca: ‘¿Imatatac micushun, imatatac churarishun?’ nishpa, ama chai yuyailla canguichicchu.

SAN LUCAS 12:28

Mana tucui shungumanta cric gentecunalla, cunanca allpapi alli sumac, cayaca ninapi rupachishca cana q'uihuatapish, Taita Diosca chashna sumacta huiñachinmi. ¡Cancunamancarin, chai q'uihuamantapish yallimi churachinga!

SAN LUCAS 22:35

Shinallatac Jesusca paicunaman tapushpami: —Ñuca cancunata cucayu illacllatac, cullqui illacllatac, shinallatac ushuta illacllatac cachacpica, ¿ima illac carcanguichicchu?— nicpi yachacuccunaca: —Mana ima illarcachu— nircacuna.

SAN LUCAS 3:11

Chashna nicpi Juanca: —Maijanpish ishcai churanata charicca, mana charicmanmi shuc churanataca cuna can. Shinallatac maijanpish micunata charicca, mana charicmanmi carana can— nirca.

SAN LUCAS 5:29

Leví runa Jesushuan rishpaca, paipac huasipimi jatun micuita ruhuarca. Chai huasipica, impuestota japic tauca runacunapish, shinallatac caishuc juchayuccunapish micucurcacunami.

SAN LUCAS 9:4

Mai huasiman chayashpaca, chai llactamanta ringacaman chai huasillapi causacunguichiclla.

2 TIMOTEO 2:4

Maijanpish soldado cashpaca, paipac ima ruhuanatapish saquishpami, paita mandac imata nishcallata ruhuan.