SAN LUCAS 9:19 - Nuevo Testamento en Quichua Cañar 1996

¹⁹ Chashna tapucpi paicunaca: —Maijancunaca: “Bautizac Juanmi canga” nincunami. Maijancunaca: “Diosmanta ñaupa huillac Eliasmi canga” nincunami. Shinallatac maijancunaca: “Diosmanta ñaupa huillaccunamanta maijancharimi causarimushca canga” nincunami— nircacuna.

Dios Rimashcata Quillcashcami

¹⁹ Chashna tapucpimi paicunaca: —Maijancunaca: “Bautizac Juanmi” nincunami. Maijancunaca: “Dios ima nishcata huillac Eliasmi” nincunami. Maijancunaca: “Dios ima nishcata ñaupa huillaccunamanta maijanmi causarimushca canga” nincunami— nirca.

SAN LUCAS 9:19 Iomraidhean Croise

SAN MATEO 14:2

serviccunata c'ayashpa: —Chai Bautizac Juanmi, huañushcacunapuramanta causarishca canga. Shina cashpami, pi mana ruhuaipaccunata ruhuacunga— nirca.

SAN MATEO 3:1

Chai punzhacunami Bautizac Juanca, Judea llactapi tiyac shitashca pambaman rishpa, huillai callarirca.

MARCOS 6:14

Jesús imata ruhuashpa puricuctaca, tucui gentecunami maipipish parlanacurcacuna. Shina parlanacucta llactata mandac Herodes uyashpami: —Bautizac Juanmi huañushcacunapuramanta causarimushca canga. Shina cashpami, paica pi mana ruhuaipaccunata ruhuacunga— nirca.

MARCOS 6:15

Ashtahuanpish maijancunaca: —Diosmanta ñaupa huillac Eliasmi canga— nircacuna. Shuccunaca: —Diosmanta ñaupa huillaccunapuramanta maijan shucmi canga— nircacuna.

SAN LUCAS 9:18

Chai q'uipami Jesusca paipac yachacuccunallahuan cashpa, Taita Diosman mañacurca. Chashna mañashca q'uipami, Jesusca yachacuccunataca: —Gentecunaca, ¿pi cashcatatac ñucataca yuyancuna?— nishpa tapurca.

SAN LUCAS 9:20

Chashna nicpi Jesusca: —Cutin cancunaca, ¿pi cashcatatac ñucataca yuyanguichic?— nirca. Chashna nicpi Pedroca: —Canca Taita Dios cachashca, Quishpichic Cristomi cangui— nirca.

SAN JUAN 1:21

Shina nicpi, cutinllatac tapushpaca: —Shinashpaca, ¿maijantac cangui? ¿Ñaupa huillac Eliaschu cangui?— nicpi Juanca: —Mana paichu cani— nirca. Shina nicpi, paicunaca ashtahuanmi: —Shinashpaca, ¿shamuna cashca Diosmanta huillacchu cangui?— nircacuna. Shina nicpi Juanca: —Mana— nirca.

SAN JUAN 1:25

cutin tapushpaca: —Quishpichic Cristopish, ñaupa huillac Eliaspish, shamuna cashca Diosmanta huillacpish mana cashpaca, ¿ima nishpatac bautizacungui?— nircacuna.

SAN JUAN 7:40

Chaita uyashpami maijan gentecunaca: —Cai runacarin ñucanchic shuyacushca Diosmanta huillactacmi— nircacuna.

SAN JUAN 9:17

Cutinllatac chai ñahui mana ricuc cashca runaman fariseocuna tapushpaca: —Cambac ñahuita alliyachic runataca, ¿canca imatatac ningui?— nircacuna. Shina nicpi paica: —Diosmanta huillacmi— nirca.