SAN LUCAS 9:10 - Nuevo Testamento en Quichua Cañar 1996

¹⁰ Jesús cachashca huillaccuna cutimushpaca, tucui imalla ruhuashcatami paimanca parlarcacuna. Chai q'uipami Jesusca paicunallahuan Betsaida pueblo cuchullaman rirca.

Dios Rimashcata Quillcashcami

¹⁰ Jesús cachashca apostolcuna cutimushpaca, tucui imata ruhuashcatami Jesusman parlarca. Paicunallata pushashpami, Jesusca Betsaida pueblo cuchullaman rirca.

SAN LUCAS 9:10 Iomraidhean Croise

SAN MATEO 11:21

“Corazín pueblopi causaccunalla, Betsaida pueblopi causaccunalla, ¡aij, imachari tucunguichic! Pi mana ruhuaipaccunata cancunapac pueblocunapi ruhuashca shinata Tiro pueblopi, Sidón pueblopi ñuca ruhuashca cacpica, paicunaca juchayuc cashcamanta llaquirishcata ricuchingapacca, utcamanmi sharpa churanata churarishpa, uchupahuanpish c'ahuirishpa, Taita Diosman cutirinman carcacuna.

MARCOS 2:7

—¿Ima nishpatac cai runaca chashna riman? Paica Dios tucushpami, Diosta p'iñachin. Juchacunata pipish mana perdonai pudinchu, Taita Diosllami juchacunata perdonan— nishpami yuyacurcacuna.

SAN LUCAS 10:17

Chai q'uipami, Jesús cachashca canchis chungacuna cushicuihuan cutimushpaca: —Apunchic Jesús, ñucanchic cambac shutita nicpica, supaicunapish manchashpa llucshinllami— nircacuna.

SAN JUAN 1:44

Felipeca Betsaida pueblomantami carca. Chai pueblollamantatacmi Andrespish, Pedropish carca.

HEBREOS 13:17

Cancunata pushaccunata cazuichic. Paicunaca Taita Diosman ima ruhuashcatapish ricuchina cashcamantami, mana samarishpa cancunataca ricuracun. Paicuna mana llaquirishpa, cushilla imatapish ruhuachunca, paicunahuanca alli caichic. Paicuna mana cushilla pushacpica, ima allita cancunaca mana japinguichicchu.