SAN LUCAS 9:1 - Nuevo Testamento en Quichua Cañar 1996

¹ Jesusca paipac chunga ishcai yachacuccunata tandachishpami, tucui laya supaicunata llucchiclla, ungushcacunatapish alliyachicllacunata ruhuarca.

Dios Rimashcata Quillcashcami

¹ Jesusca paipac chunga ishcai yachacuccunata tandachishpami, tucuilaya supaicunata llucchichun, ungushcacunata alliyachichun poderta curca.

SAN LUCAS 9:1 Iomraidhean Croise

SAN MATEO 16:19

Canmanca jahua pacha Taita Dios mandacucman yaicuchic llavecunatami cusha. Can cai pachapi imata mana allichu nishcaca, jahua pachapipish mana alli nishcallatacmi canga. Shinallatac can cai pachapi imata allimi nishcaca, jahua pachapipish alli nishcallatacmi canga— nirca.

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 8:9

Ñucapish mandaccunapac mandashca, soldadocunata mandacllami cani. Maijan soldadota ñuca ‘ri’ nicpica, rinllami. Cutin maijanta ‘shamui’ nicpipish, shamunllami. Shinallatac ñuca servictapish ‘imata ruhuai’ nicpica, ruhuanllami— nirca.

SAN LUCAS 10:1

Chai q'uipami Apunchic Jesusca canchis chungacunata acllashpa, tucui pai chayana pueblocunaman, llactacunaman huillachun, ishcai ishcaita ñaupachishpa cacharca.

SAN LUCAS 10:19

Ñucami cancunataca culebracunata, alacrancunata sarushpapish, mana ima tucucta ruhuarcani. Shinallatac ima millaita aticcuna cachunpish ruhuarcani. Chaimanta imapish cancunataca mana imata ruhuangachu.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

HECHOS 1:8

Shina cacpipish, Diospac Espíritu cancunapacman shamucpimi, tucui imatapish ruhuai pudinguichic. Chaimantami Jerusalén pueblopipish, tucui Judea llactapipish, Samaria llactapipish, shinallatac mai tiyashca llactacunapipish ñucamanta huillagringuichic— nirca.

HECHOS 3:16

Chai Jesusllatacmi cai runataca alliyachirca. Jesusta crishcamantami, cai cancuna ricsishca runaca tucui cancunapac ñaupapi alliyachishca shayacun.

HECHOS 4:30

Shinallatac can quishpichichun cachashca Jesushuanca, ungushcacunata alliyachiccuna cachun, pi mana ruhuaipaccunata ruhuaccuna cachunpish, ñucanchictaca ruhuaiyari. Canca imatapish ruhuacllami cangui” nishpami mañarcacuna.

HECHOS 9:34

Chashna ungushcata ricushpami Pedroca: —Eneas, cantaca Quishpichic Jesucristomi alliyachin. Jatari, cambac camata tandachi— nicpica, Eneasca jatarishpa shayarircallami.