SAN LUCAS 8:30 - Nuevo Testamento en Quichua Cañar 1996

³⁰ Chai runatami Jesusca: —¿Ima shutitac cangui?— nishpa tapucpica: —Ñucaca Huaranga Huaranga shutimi cani— nirca. Huaranga huaranga supaicuna japishca cashcamantami, paica chashna nirca.

Dios Rimashcata Quillcashcami

³⁰ Chai runataca Jesusca: —¿Ima shutitac cangui?— nishpa tapurca. Shina nicpimi paica: —Ñucaca huaranga huaranga shutimi cani— nirca. Huaranga huaranga supaicuna japishca cashcamantami, chashna nirca.

SAN LUCAS 8:30 Iomraidhean Croise

SAN MATEO 26:53

Cunanllatac ñuca Taitaman huaranga huaranga angelcunata ñucata huacaichichun mañacpica, cunanllatacmi cachanman. Chaitaca, ¿manachu yachangui?

SAN MATEO 4:24

Jesús alliyachiclla cashcaca, tucui Siria llactapimi uyarirca. Shina uyaricpimi, Jesuspacmanca tucui nanaihuan caccunatapish, ung:uihuan llaquilla caccunatapish, supai japishca caccunatapish, juizhu chingachic ung:ui japishcacunatapish, shinallatac mana cuyuricta ruhuac ung:uihuan caccunatapish apamurcacuna. Jesusca tucui chai shamuccunatami alliyachirca.

SAN MATEO 8:29

Ña Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichic shamungui?— nishpa caparircacuna.

MARCOS 16:9

[Jesús causarishpaca, semana callari domingo punzha ña pacarimucucpimi, Magdala pueblomanta Mariaman punta ricurirca. Chai Mariamantami Jesusca canchis supaicunata llucchishca carca.

MARCOS 5:9

Shina nicpi Jesusca: —¿Ima shutitac cangui?— nishpami, chai runataca tapurca. Shina tapucpimi chai runaca: —Achcacuna cashcamanta, Huaranga Huaranga shutimi cani— nirca.

SAN LUCAS 8:2

Shinallatac maijan huarmicunapish c'aticurcacunami. Paicunatami maijancunataca supaicunata llucchishpa, maijancunataca ung:uicunamantapish Jesusca alliyachishca carca. Chai huarmicunapurapica, Magdala pueblomanta Mariapish carcami. Chai huarmimantami Jesusca canchis supaicunata llucchishca carca.

SAN LUCAS 8:29

Jesús chai runamanta supaita “llucshi” nicucpimi, chashna nirca. Tauca cutinmi chai supaica runapi yaicushpa llaquichic carca. Chaimantami maquicunatapish, chaquicunatapish cadenacunahuan huatashpa charic carcacuna. Chashna huatacpipish, chai runaca cadenacunata p'itishpa, mai shitashca pambaman supai apacpica ricllami carca.