SAN LUCAS 8:15 - Nuevo Testamento en Quichua Cañar 1996

¹⁵ Ashtahuanpish alli allpapi urmashca muyu shinaca, Dios rimashca shimita tucui shunguhuan uyashpa, alli cazushpa mana cungariccunami. Chashna c'atishpami, alli p'ucuc shina ricurincuna.

Dios Rimashcata Quillcashcami

¹⁵ Ashtahuanpish alli allpapi urmashca muyuca Dios rimashcata tucui shunguhuan uyashpa, alli cazushpa mana cungariccunami. Chashnami, alli pucuc shina cancuna.

SAN LUCAS 8:15 Iomraidhean Croise

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

SAN LUCAS 11:28

Chashna nicpi Jesusca: —Maijanpish Taita Dios ima nishcata uyashpa cazuccunamanmi, ashtahuan cushicuica— nirca.

SAN LUCAS 6:45

Shinallatac alli runaca paipac shungupi alli yuyaicunata charishcamantami, allicunallata riman. Chashnallatac mana alli runaca paipac shungupi millai yuyai junda cashpami, mana allicunata riman. Tucui imata shimi rimashcaca, shungupi ima tiyashcatami ricuchin.

SAN LUCAS 8:14

Casha chaupipi urmashca muyu shinaca, Dios rimashca shimita uyaccunami. Chashna uyashpapish ima munaicuna, chayucyana yuyaicuna, cai pachallapi cushicuna yuyaicuna shamucpimi, uyashcacunaca aguaric shina chingarinlla. Shina cashpami, mana alli p'ucuc shina ricurincuna.

SAN LUCAS 8:16

Maijanpish luzta japichishpaca, imahuan tapangapac, mana cashpaca cama ucupi churangapacca mana japichinchu. Pipish ucuman yaicucpi achicyachichunmi, luztaca pata jahuapi churan.

SAN JUAN 14:15

Cancuna ñucata c'uyashpaca, ñuca mandashcacunata cazunguichic.

SAN JUAN 15:10

Ima shinami ñuca Taitapac mandashcacunata pactachishpa, paipac c'uyashca cani, chai shinallatacmi cancunapish ñuca mandashcacunata pactachishpa, ñuca c'uyashca canguichic.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 6:22

Ashtahuanpish cancunaca jucha mandashca causacushcamanta Taita Dios cacharichicpica, paita serviccunami tucushcanguichic. Chashna tucushpaca, Taita Diospaclla ch'icanyarishpa causashpa, huiñai causaita chasquishpami allita japircanguichic.

ROMANOS 7:18

Cai pacha juchayuc runa cashcamantaca, ñucapi ima alli ruhuana yuyai mana tiyashcatami yachani. Ima allita ruhuasha nishpapish, mana ruhuai pudinichu.

ROMANOS 7:4

C'uyashca criccuna, chai shinallatacmi Cristo huañushcamantaca mandashcacunata ama ruhuangapac Cristohuan pacta huañushca shina canguichic. Cunanca Taita Diospacta allita ruhuangapacmi, huañushcacunapuramanta causaric Jesucristopaclla canguichic.

ROMANOS 8:25

Ashtahuanpish manarac ricushcata shuyacushpaca, llaquita apashpapish ricuna yuyaillami shuyacunchic.

1 CORINTIOS 7:19

Taita Diosmanca circuncisionta ruhuashcapish, mana ruhuashcapish mana ima canchu, ashtahuancarin pai mandashcacunata cazunami ashtahuan alli.

EFESIOS 2:8

Cancunaca Jesucristota crishcamantami Taita Dios c'uyashpa, quishpichishcacuna canguichic. Chaitaca mana cancuna allita ruhuashcamantachu chasquircanguichic, ashtahuanpish Taita Dios c'uyashcallamantami cancunaca quishpirishca canguichic.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.

COLOSENSES 1:10

Diosman mañacunchic. Chai shina yachacushpami, Jesucristopacta ruhuaccuna ima shina causana cashca shina causashpa, punzhanta Diostaca cushichinguichic. Chashnami grano alli p'ucuc shina, tucui imapipish allita ruhuashpa, Diosmantapish allita yachacunguichic.

COLOSENSES 1:6

Cai alli huillaita huillashcami alli grano p'ucuc shina, tucui llactacunapi mirarishpa c'aticun. Chai shinallatacmi cancunapurapipish Diospac c'uyaimanta parlanacucta uyashpa, Dios mai c'uyac cashcatatac yachashca punzhamanta pacha mirarishpa c'aticun.

HEBREOS 10:36

Cancunaca mana p'iñarishpa, c'uyac shunguhuan llaquita apashpami, Diospac munaitaca pactachina canguichic. Chashna pactachishpami, pai cusha nicushcataca chasquinguichic.

HEBREOS 2:1

Chai shina cashcamantami alli ñanta chingachic shina mana pandaringapacca, ñucanchicca alli huillaita uyashcataca ashtahuan alli crishpa, chai yuyailla cana canchic.

SANTIAGO 1:4

Ashtahuanpish tucuimanta yallica mana p'iñarishpa, alli shunguyuc canata yuyaichic. Chashna cashpami alli sinchiyashpa, imapish mana illac, pipish mana juchanchipac, alli criccuna canguichic.

1 JUAN 2:3

Taita Diospac mandashcacunata pactachishpaca, paita ricsishcatami yachanchic.