SAN LUCAS 8:13 - Nuevo Testamento en Quichua Cañar 1996

¹³ Rumi allpapi urmashca muyu shinaca, Dios rimashca shimita huillacpi cushilla chasquiccunami. Shina cashpapish mana ucuta sapiyashca shina cashpami, ashacamanlla crincuna. Llaquicuna japicpica, ña mana c'atishun nishpa saquirincunallami.

Dios Rimashcata Quillcashcami

¹³ Rumi allpapi urmashca muyuca Dios rimashcata uyashpa cushilla chasquiccunami. Shina cashpapish mana ucuta sapiyashca cashpami, ashacamanlla crincuna. Chaica llaquicuna japicpica, mana catisha nishpa saquirincunami.

SAN LUCAS 8:13 Iomraidhean Croise

MARCOS 6:20

Juantaca cashcata ruhuac, Diospaclla causactami Herodesca yacharca. Chaimantami paita manchashpa, mana imata ruhuachishpa alli charirca. Imata ruhuanata yuyacushpapish, Juan huillacpica, cushilla uyacllami carca.

SAN LUCAS 8:12

Ñanpi urmashca muyu shinaca, uyaccunami. Paicuna uyashpa, ama crishpa quishpirichunmi, Satanás*f** shamushpa cungachin.

SAN LUCAS 8:14

Casha chaupipi urmashca muyu shinaca, Dios rimashca shimita uyaccunami. Chashna uyashpapish ima munaicuna, chayucyana yuyaicuna, cai pachallapi cushicuna yuyaicuna shamucpimi, uyashcacunaca aguaric shina chingarinlla. Shina cashpami, mana alli p'ucuc shina ricurincuna.

SAN JUAN 15:2

Ñucapi cac ramacuna mana p'ucucpica, tucui p'itishpami shitanga. Cutin alli p'ucuctaca ashtahuan alli p'ucuchunmi, mana allicunata anchuchishpa saquinga.

SAN JUAN 15:6

Maijanpish ñucahuan mana cactaca, chagrata cuidacca mana p'ucuc ramata shinami p'itinga. Chashna p'itishca chaquicpica, tandachishpa ninapi shitashpa rupachingami.

SAN JUAN 5:35

Juan huillashcaca shuc micha japirishpa, achicyachicuc shinami carca. Chaitami cancunaca ashacamanlla cushicushpa uyarcanguichic.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, c'uyaita mana charishpaca, ima mana canichu.

1 CORINTIOS 15:2

Shinallatac ñuca huillashca shina alli huillaita c'atirashpaca, cai alli huillaimantami quishpiringuichic. Mana chai shina c'atishpaca, cancuna crishcaca yangami canga.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Tucui cancunapac ricuipi ñuca huillashpaca, Jesucristo ña chacatashca cashcatami huillarcani.

GÁLATAS 3:4

¿Cancuna ima tucushcacunaca yangallachu canga? ¡Chaicunaca manatac yangallachu can!

EFESIOS 3:17

Crishcallamanta cancunapac shungupi Cristo causachun, shinallatac cancuna imata ruhuashpapish c'uyaillamanta ruhuachun nishpami mañacuni.

COLOSENSES 1:23

Shina cacpimi sapiyashca shina allita crina canguichic. Chashnami alli huillaita huillashcata uyashcamanta, tucui shunguhuan japina cashcata shuyacunamantaca mana anchurina canguichic. Cai alli huillaitami, tucui cai pachapi tiyac llactacunapi huillashca cashca. Chaillatatacmi ñucapish huillashpa ayudacuni.

COLOSENSES 2:7

Cancuna ima shinami yachacurcanguichic, chai shinallatac yura sapiyashca shina Jesusta crishpa, ashtahuan sinchiyashpa, Diostaca pagui nicuichiclla.

1 TESALONICENSES 3:5

Chashna llaquicunahuanca, cancuna crinata saquishpa “ña mana c'aticungachu” yuyarcanimi. Chaimantami cancuna ima shina cashcata ricuchun, Timoteotaca cacharcani. Diablo cancunata millaiman pushacpi, ñucanchic ima ruhuashca yanga canatami ashtahuan mancharcani.

1 TIMOTEO 1:19

Cambac yuyai ama juchanchishca cachunca, alli crishpa c'atingui. Maijancunaca quiquin yuyaipi mana jarcarishpami, yacupi aguaric shina crishcata saquishpa, llaqui tucushcacuna.

HEBREOS 10:39

Ñucanchicca mana c'atisha nishpa, llaquita apangapac riccuna shinaca mana canchicchu, ashtahuanpish quishpiringapac Jesusta criccunami canchic.

SANTIAGO 2:26

Shina cacpica, shuc cuerpoca alma illacllaca mana causai pudinchu. Chai shinallatacmi “cricmi cani” nishpalla, ima allita mana ruhuashpaca, mana crishca shinallatac can.

2 PEDRO 2:20

Maijanpish ñucanchicta Mandac Quishpichic Jesusta crishpa, chai mana alli causaimanta anchurishcacunami. Chashna anchurishca cashpa, cutin chai mana alli causaiman tigrarishpaca, ñaupa ima shina causacushcatapish ashtahuan yallimi tucun.

2 PEDRO 2:22

Ashtahuanpish paicuna chashna tucucpimi: “Allcupish pai ungushcallatatacmi cutin tigrachishpa micun. Cuchipish armarishca q'uipaca, cutinmi turupi singun” nishcaca pactashca.

1 JUAN 2:19

Chaicunaca ñucanchicpuramanta llucshishca cashpapish, mana ñucanchicpuratachu carcacuna. Ñucanchicpura cashca cashpaca, ñucanchicmantaca mana llucshinmanchu carcacuna. Chaicunaca mana ñucanchicpura cashcata ricuchunmi, chashnaca llucshirca.

SAN JUDAS 1:12

Chashna cashcamantami cancuna tandanacushpa micuicunapica, paicunaca jatun pinganayaita ruhuashpa mapayachincuna. Chashna cashpami paicunapac huicsallata yuyarishpami, pitapish mana manchashpa micuncunalla, ubiancunalla. Paicunaca chaquishca p'uyuta huaira caiman, chaiman apacuc shinami. Paicunaca p'ucuna punzha mana p'ucuc yura shina, shinallatac sapimanta p'itishca yura shina cashpami, ishcai cutin huañushcacuna.