SAN LUCAS 7:6 - Nuevo Testamento en Quichua Cañar 1996

⁶ Jesús paicunahuan rishpa, ña huasiman chayagricucpica, chai soldadocunata mandacca paipac ricsishca shuc runacunatami Jesuspacman cashna nichun cacharca: —Apunchic Jesús, cantaca mana p'iñachisha ninichu. ¿Ñuca ima alli cacpitac, ñuca huasimanca shamugringuiyari?

Dios Rimashcata Quillcashcami

⁶ Jesús paicunahuan rishpa, ña huasiman chayagricucpica, chai soldadocunata mandacca paipac ricsishca runacunatami Jesusta tupachun cacharca. Paicunataca: —Apunchic Jesús, mana piñachisha ninichu. ¿Ñuca ima cacpitac, ñuca huasimanca shamugringuiyari?

SAN LUCAS 7:6 Iomraidhean Croise

SAN MATEO 20:28

Chai shinallatacmi Runa Tucungapac shamushca*f** ñucaca, servichingapacca mana shamurcani, ashtahuanpish servingapac, shinallatac achcacunamanta huañushpa quishpichingapacmi shamurcani— nirca.

SAN MATEO 3:11

Cancunataca ñucaca Taita Diosman cutirichun nishpallami, yacuhuan bautizacuni, ashtahuanpish ñucapac q'uipa shamucmi, Diospac Espirituhuan shinallatac ninahuan cancunataca bautizanga. Paica ñucata atishpa, ima allita ruhuasha nishpapish ruhuacllami. Ñucaca paipac ushutallatapish mana apaipacchu cani.

MARCOS 5:24

Shina nicpimi, Jesusca chai runapac huasiman rirca. Shina ricucpica, achca gentecuna ñitirinacushpami, Jesushuan pacta rircacuna.

SAN LUCAS 5:8

Caita ricushpa Simón Pedroca Jesuspac ñaupapi cungurishpami: —Apunchic Jesús, ñucaca juchasapami cani. Chashna cashcamanta ñucamanta anchurilla— nirca.

SAN LUCAS 7:4

Paicuna Jesuspacman chayashpaca: —Soldadocunata mandacmi canta c'ayacun. Paica ñucanchic llactata c'uyacmi. Paillatacmi ñucanchic tandanacuna huasitapish shayachichirca. Chashna cashcamanta paimanpish allita ruhuashpa cuiyari— nishpa, mailla mañarcacuna.

SAN LUCAS 7:7

Chashna cashpami, ñucallatac c'ayangapacllapish mana rircani. Chashna cacpipish alliyachun nillari. Chaipica ñuca servicca alli tucungallami.

SAN LUCAS 8:49

Jesús chashna nicucllapitacmi, mandac Jairopac huasimanta shuc runa shamushpa, Jairotaca: —Cambac ushica ñami huañun. ¿Imapactac Yachachictaca ashtahuan p'iñachicungui? Saquilla— nirca.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

SANTIAGO 4:10

Apunchic Jesuspac ñaupapica, ama jatun tucuichicchu. Chashna mana jatun tucucpimi, paica “jatunmi canguichic” ninga.

SANTIAGO 4:6

Ashtahuanpish Dios mai c'uyac cashcamantami ñucanchictaca ayudacun. Pai quillcachishcapica Taita Diosca: “Jatun tucushcacunataca p'iñanimi. Shina cashpapish mana jatun tucushcacunataca c'uyanimi” ninmi.