SAN LUCAS 7:33 - Nuevo Testamento en Quichua Cañar 1996

³³ Chashnallatacmi vinota mana ubiac, micunatapish mana micuc Bautizac Juan shamucpica, cancuna paitaca: ‘Supaihuanmi can’ ninguichicmi.

Dios Rimashcata Quillcashcami

³³ Vinotapish mana ubiac, micunatapish mana micuc Bautizac Juan shamucpica, cancunaca: “Supaihuanmi can” ninguichicmi.

SAN LUCAS 7:33 Iomraidhean Croise

SAN MATEO 10:25

Yachacuc ña yachachic shina tucushpaca, cushillami canman. Shinallatac shuc servicpish amo shina tucushpaca, cushillami canman. Huasipi taita shina pushac ñucatapish, ‘supaicunata mandac Beelzebumi*f** cangui’ nicushpaca, chai huasipi causac huahua shina cac cancunatacarin, ¡imatachari ningacuna!

SAN MATEO 3:1

Chai punzhacunami Bautizac Juanca, Judea llactapi tiyac shitashca pambaman rishpa, huillai callarirca.

SAN MATEO 3:4

Camello*f** animal millmamanta ruhuashca churanatami Juanca churashca carca, shinallatac cara chumbihuanmi chumbillishca carca. Paica langostacunata,*f** shinallatac bunga mishquitami micuc carca.

MARCOS 1:6

Camello*f** animal millmamanta ruhuashca churanatami, Juanca churashca carca. Shinallatac cara chumbihuanmi chumbillishca carca. Paica langostacunata,*f** shinallatac bunga mishquitapish micucmi carca.

SAN LUCAS 1:15

Taita Diosca paitaca jatun ningami. Paica vinotapish, ima machachic yacucunatapish mana ubiangachu. Mamapac huicsamanta pachami, Diospac Espirituhuan canga.

SAN LUCAS 7:32

Paicunaca plaza pambapi pucllacuc huambracuna shuc huambracunata caparishpa: ‘Flautapi tocacpipish, mana bailarcanguichicchu. Llaquillata cantacpipish, mana huacarcanguichicchu’ nic shinami.

SAN LUCAS 7:34

Shinallatac Runa Tucungapac shamushca*f** ñuca chayamushpa, imatapish micuc, vinotapish ubiac cashcamanta cancunaca: ‘Cai runaca imatapish yalli micuclla, vinotapish ubiaclla, impuestota japiccunahuanpish, ñucanchic ch'icanyachishca caishuc juchayuc gentecunahuanpish tandariclla’ ninguichicmi.

SAN JUAN 10:20

Paicunapuramanta achcacunami: —¿Ima nishpatac paitaca uyanguichic? Paica supaihuan cashcamantaca mana juizhupichu— ninacurcacuna.

SAN JUAN 8:48

Chaimantami mandac israelcuna*f** Jesustaca: —‘Canca Samaria llactamantami cangui, shinallatac supaihuanmi cangui’ nishpaca, allillatacmi nishcanchic— nircacuna.

SAN JUAN 8:52

Shina nicpi, mandac israelcunaca: —Cunancarin supaihuan cashcata yachanchictacmi. Taita Abrahampish, Diosmanta ñaupa huillaccunapish huañurcami. Shina cacpica, ¿ima shinatac cutin canca ‘maijanpish ñuca nishcata cazuccunaca mana huañungachu’ ninguiyari?

HECHOS 2:13

Ashtahuanpish maijancunaca: —Caicunaca machashcacunami— nishpami asircacuna.