SAN LUCAS 7:12 - Nuevo Testamento en Quichua Cañar 1996

¹² Jesús chai puebloman ña yaicugricucpimi, gentecuna shuc huañushca huambrata enterrangapac huandushpa ricurcacuna. Chai huañushcaca viuda huarmipac shuclla c'ari huahuami carca. Chai pueblopi causaccunaca achcacunami llaquinacushpa, enterrangapac chai huarmihuanca ricurcacuna.

Dios Rimashcata Quillcashcami

¹² Jesús chai puebloman ña yaicugricucpimi, shuc huañushca huambrata enterrangapac huandushpa ricurca. Chai huañushcaca viuda huarmipac shuclla cari huahuami carca. Achca gentecunami llaquilla enterrangapac ricurca.

SAN LUCAS 7:12 Iomraidhean Croise

SAN LUCAS 7:11

Chai q'uipami Jesusca Naín puebloman paipac yachacuccunandic, shinallatac achca gentecunandic ricurca.

SAN LUCAS 7:13

Apunchic Jesusca chai viuda huarmi huacacucta ricushpa llaquishpami: —Ama huacaichu— nirca.

SAN LUCAS 8:42

Chai runaca ancha ungushca, chunga ishcai huatayuc shuclla ushitami charirca. Jesús ña Jairohuan ricucpi, achca gentecunami paihuan pacta ñitirinacushpa ricurcacuna.

SAN LUCAS 8:52

Tucui chaipi cac gentecuna chai huahuamanta caparishpa huacacucpimi, Jesusca: —Ama huacaichicchu. Huahuaca mana huañushcachu, suiñucunllami— nirca.

SAN JUAN 11:19

Martapac, Mariapac turi huañushcamantaca, tauca israelcunami*f** paicunata llaquinacushpa compañangapac shamushca carcacuna.

HECHOS 9:39

Chai runacuna “jacu” nicpica, Pedroca paicunahuan rircallami. Pai ña chaiman chayacpica, huañushca velaricuc ucumanmi pusharcacuna. Chai ucuman yaicucpica, viuda huarmicuna Pedrota muyushpami, Dorcas causacushparac ruhuashca churanacunata ricuchishpa huacarcacuna.

HECHOS 9:41

Chashna tiyaricpi, Pedroca maquimanta japishpa jatarichishpaca, viuda huarmicunata caishuc criccunandic c'ayashpaca, ña causarishcatami ricuchirca.

SANTIAGO 1:27

Maijanpish Taita Diospac ñaupapi Diosta tucui shunguhuan alli cricca, llaquilla cac viuda huarmicunatapish, taita mamata mana charic llaquilla cac huahuacunatapish ayudanami can. Shinallatac cai pachapi tiyac imapish juchallinacunamantaca huacaichirinami can.