SAN LUCAS 6:42 - Nuevo Testamento en Quichua Cañar 1996

⁴² Cambac ñahuipi caspi tiyacucta manarac ricushpaca, ¿ima shinatac cambac huauquitaca: ‘Shuyai, cambac ñahuipi tiyacuc ucshata llucchisha’ ninguiyari? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, ña alli ricushpa, cambac huauquipac ñahuipi tiyacuc ucshataca llucchingui.

Dios Rimashcata Quillcashcami

⁴² Cambac ñahuipi tiyacuc caspita manarac ricushpaca, ¿ima shinatac cambac huauquitaca: “Shuyai, cambac ñahuipi tiyacuc ucshata llucchisha” ningui? Mishqui shimi, jayac shungu, cambac ñahuipi tiyacuc caspitarac llucchi. Chashna llucchishpami, alli ricushpa, cambac huauquipac ñahuipi tiyacuc ucshataca llucchingui.

SAN LUCAS 6:42 Iomraidhean Croise

SAN MATEO 26:75

Chaipimi Pedroca: “Manarac gallo cantacpimi, quimsa cutin ñucataca mana ricsinichu ningui” nishpa Jesús huillashcataca yuyarirca. Chaimantami Pedroca canzhaman llucshishpa, munai llaquirishpa huacarca.

SAN MATEO 7:3

¿Ima nishpatac canca, mana quiquin ñahuipi tiyacuc caspita ricushpa, shucpac ñahuipi tiyacuc uchilla ucshatarac ricunguiyari?

SAN MATEO 7:4

Cambac ñahuipi caspi tiyacucta manarac llucchishpaca, ¿ima shinatac caishuctaca: ‘Shamui, cambac ñahuipi tiyacuc ucshata llucchisha’ ninguiyari?

SAN LUCAS 13:15

Shina nicpi Apunchic Jesusca: —¡Mishqui shimi, jayac shungucuna canguichic! Samana punzha cacpipish, cancunapac huagrata, burrotaca, ¿manachu huatashcamanta cacharishpa, yacuchingapacca apanguichic?

SAN LUCAS 22:32

Chashna cacpipish ‘ña mana c'atishachu’ ama nichunca, ñucaca canmanta Taita Diosman mañarcanimi. Can llaquirishpa, Taita Diosman cutirishpaca, caishuc ñucata c'aticcunamanpish ñucata c'atichun alli yuyaita cungui— nirca.

SAN LUCAS 6:41

¿Ima nishpatac canca mana quiquin ñahuipi tiyacuc caspita ricushpa, shucpac ñahuipi tiyacuc ucshatarac ricunguiyari?

SAN LUCAS 6:43

Alli yuraca mana allitaca mana p'ucunchu. Shinallatac mana alli yurapish allitaca mana p'ucunchu.

HECHOS 13:10

—Canca diablopac huahua cashpami, tucui mana allillata ruhuashpa allitaca p'iñashpa, llullashpalla causangui. Mandac Dios munashca shina alli causasha nicuccunataca, ¿maicamantac pandachicungui?

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 8:21

Cambac shungu paihuan mana alli cashcamantami, Taita Diosca cashna allicunataca mana ruhuachin.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

2 CORINTIOS 5:18

Tucui caicunataca Taita Diosmi ruhuarca. Diosca Cristomanta ñucanchichuan alli tucushpami, ñucanchictaca gentecuna paihuan alli tucuchun nishpa, huillaccuna cachun mingarca.

2 TIMOTEO 2:21

Chashnallatacmi maijanpish Diospaclla tucushpa Apunchic Jesuspacta allita ruhuangapacca, tucui mana allicunamanta anchurina can. Shina cashpami imapish allita ruhuangapacca alli canga.

2 PEDRO 1:9

Shina cacpipish maijan mana chashna causacca ñahui mana ricuc shina, caruta mana ricuc shinami. Ñaupa pai ruhuashca juchacunamanta chuyayachishcataca cungarishca.