SAN LUCAS 6:36 - Nuevo Testamento en Quichua Cañar 1996

³⁶ Chashnallatac cancunapac Taita Dios ima shinami llaquin, chai shinallatac cancunapish shuccunata llaquiccuna caichic.

Dios Rimashcata Quillcashcami

³⁶ Chashnallatac Dios ima shinami cancunata llaquin, chai shinallatac shuccunata llaquichic.

SAN LUCAS 6:36 Iomraidhean Croise

SAN MATEO 5:48

Jahua pachapi tiyac cancunapac Taita Dios ima shinami allitac can, chashnallatac cancunapish allitac caichic.

SAN LUCAS 6:35

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

SAN LUCAS 6:37

Ama shuccunata mana alli nishpa juchanchichicchu. Shina mana juchanchicpimi, Taita Diospish cancunataca mana juchanchinga. Pitapish llaquiman cachangapacca ama juchanchichicchu. Shina mana juchanchicpimi, Taita Diospish cancunataca juchanchishpa, jatun llaquiman mana cachanga. Imatapish mana allita ruhuashcataca perdonanami canguichic. Chashna ruhuacpimi, Taita Diospish cancunapac juchacunataca perdonanga.

EFESIOS 4:31

Chaimanta shungu ucullapi p'iñashca canata, imapish llaquichinata, pitapish p'iñanata, c'amishpa rimanata, rimashpa caparinata, shinallatac tucui mana allicunataca saquichic.

SANTIAGO 3:17

Ashtahuanpish Dios cushca yuyaita chariccunaca, puntaca chuya shungu causanatami munancuna, shinallatac sumactami causancuna. Paicunaca alli shungucunami, imamantapish mana p'iñariccunachu, llaquiccunami, pimanpish mana tucuccunachu, imatapish mana huashalla rimaccunachu.