SAN LUCAS 6:28 - Nuevo Testamento en Quichua Cañar 1996

²⁸ Cancunata llaqui tucuchun niccunamanpish, Taita Dios allicunata cuchun ninami canguichic. Shinallatac c'amiccunamantapish Taita Diosman mañanami canguichic.

Dios Rimashcata Quillcashcami

²⁸ Cancunata sinchita rimacpica, sumac rimaicunahuan cutichichic. Cancunata camiccunamanta Diosta mañanaichic.

SAN LUCAS 6:28 Iomraidhean Croise

SAN MATEO 5:44

Ashtahuanpish ñucaca cashnami nini: Cancunata p'iñaccunata c'uyaichic, shinallatac cancunata llaquichiccunamanta Taita Diosman mañaichic.

SAN LUCAS 23:34

Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

SAN LUCAS 6:27

Shina cacpipish cunan caipi ñucata uyaccunataca cashnami nini: Cancunata p'iñaccunata c'uyanami canguichic. Shinallatac mana ricunachiccunamanpish allita ruhuanami canguichic.

SAN LUCAS 6:35

Ashtahuanpish cancunaca p'iñaccunata c'uyashpami, allita ruhuana canguichic. Imata mañachishpaca, chaimanta imata japinataca mana yuyanachu canguichic. Chashna ruhuashpami, cancunaca allicunata japinguichic. Jahua pachapi causac Taita Diospac huahuacunapish canguichicmi. Taita Diosca mana paita pagui niccunatapish, millaicunatapish llaquinmi.

HECHOS 14:5

Chashna tucushpaca israelcunapish, mana israelcunapish mandaccunahuan tandanacushpami: “Paicunataca c'amishpa, rumicunahuan shitashun” ninacurcacuna.

HECHOS 7:60

Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.

ROMANOS 12:14

Cancunata p'iñaccunataca paicunaman Taita Dios allicunata cuchun nishpa mañaichic. Paicuna ima llaqui tucuchun ninapac randica, Taita Dios paicunaman allicunata cuchun nishpa mañaichic.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

SANTIAGO 3:10

Chai shimillahuantacmi alli ninchic, shinallatac “imapish tucushca canman” ninchic. Ñuca c'uyashca criccuna, chaica mana chashnachu cana can.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.