SAN LUCAS 6:19 - Nuevo Testamento en Quichua Cañar 1996

¹⁹ Ima ung:uihuan caccunatapish alliyachiclla cashcata yachashpami, tucui gentecuna Jesuspi tuparina yuyailla carcacuna.

Dios Rimashcata Quillcashcami

¹⁹ Alliyachiclla cashcata yachashpami, tucui gentecuna Jesuspi tuparina yuyailla carca.

SAN LUCAS 6:19 Iomraidhean Croise

SAN MATEO 14:36

Chai ungushcacunaca: —Can churashca churana puntallapipish tuparichunca, ¿manachu saquinguiman?— nishpami, Jesusman mañarcacuna. Jesuspac churanapi tupariccunaca, tucuimi alliyarcacuna.

MARCOS 3:10

Jesusca achca ungushcacunata alliyachishcamantami, tucui ungushcacunaca Jesuspi tuparina yuyaihuan quichunacui shamurcacuna.

MARCOS 5:30

Shina alli tucucpi Jesusca: “Ñuca alliyachiclla cashcahuanca, ñami maijantachari alliyachini” nirishpami, huashaiman tigrarirca. Chashna tigrarishpaca: —¿Maijantac ñuca churanapi tuparinchu, imami?— nishpami, chai tucui gentecunamanca tapurca.

MARCOS 6:56

Maijan puebloman, maijan llactaman, maijan huasicunaman Jesús chayacpipish, pai chayana ñancunapimi ungushcacunataca churarcacuna. Shina churacpica, chai ungushcacunaca: —Cambac churana puntallapipish tuparichun saquiyari— nishpa mañarcacuna. Jesuspac churanapi tupariccunaca, tucuimi alliyarcacuna.

MARCOS 8:22

Chai q'uipami, Betsaida puebloman Jesusca paipac yachacuccunandic chayarca. Chaipica, shuc ñahui mana ricuc runata Jesuspacman pushamushpaca: —Cambac maquihuan tuparishpa, alliyachishpa cuiyari— nishpami, mailla mañarcacuna.

SAN LUCAS 5:17

Jesús shuc punzha yachachicucpimi, fariseocunapish,*f** mandashcacunata yachachiccunapish chaipi tiyacurcacuna. Chaicunaca Galilea llactamantapish, Judea llactamantapish, Jerusalén pueblomantapishmi shamurcacuna. Taita Dios paihuan cashcamantami, Jesusca ungushcacunataca alliyachirca.

SAN LUCAS 6:18

Chai shamuccunapuramanta maijancunaca supaicuna japishca cashcamantami llaquihuan carcacuna. Paicunataca Jesusca alliyachircami.

HECHOS 19:12

Chaimantami Pablo churarishca churanacunatapish, liensocunatapish ungushcacunapac jahuapi churangapac apaccuna carca. Shina churacpica, ima ung:uihuan caccunapish alliyarcacunallami. Shinallatac supai japishcacunapish chai churanacunapi tuparicpica, supaicunaca llucshicllami carca.

1 PEDRO 2:9

Ashtahuanpish cancunaca Dios acllashpa ch'icanyachishcacuna, Jatun Mandacpacta ruhuac curacuna, jucha illaccuna cachun acllashcacuna, shinallatac Dios munashpa paipacllatac ruhuashcacunami canguichic. Amsamanta sumac achic luz shina causaiman llucchic Dios ruhuashca sumaimanacunata huillachunmi, chashnaca ruhuashca.