SAN LUCAS 6:13 - Nuevo Testamento en Quichua Cañar 1996

¹³ Ña punzhayamucpimi, paipac yachacuccunata c'ayashpa, chunga ishcaicunata acllarca. Chai acllashcacunatami Jesusca: “Ñucamanta huillangapac acllashcacunami canguichic” nirca.

Dios Rimashcata Quillcashcami

¹³ Ña punzhayamucpimi, yachacuccunata cayashpa, paicunamantaca chunga ishcaita acllashpa, apostolcunata shutichirca.

SAN LUCAS 6:13 Iomraidhean Croise

SAN MATEO 10:2

Jesusmanta huillachun acllashca chunga ishcaicunaca caicunami: Pedro nishca Simón, paipac huauqui Andrés, shinallatac Zebedeopac churicuna huauquindicpura Jacobopish, Juanpish carcami.

SAN MATEO 19:28

Chaimantami Jesusca cashna nirca: —Cai pachata Taita Dios mushucta ruhuacucpimi, Runa Tucungapac shamushca*f** ñucaca, sumaimana achicllapi mandai callarisha. Chaipica cancunapish ñucata c'aticcuna cashcamantaca, chunga ishcai mandaccuna mandashpa tiyarinacunapi tiyarishpami, chunga ishcai Israel*f** aillucunata mandanguichic. Chaica chashnatacmi canga.

SAN MATEO 9:36

Chaipi causac gentecuna michic illaclla ovejacuna caita chaita puricuc shina, shitashca cacta ricushpami, Jesusca paicunamanta mai llaquirirca.

MARCOS 6:30

Chai q'uipami, Jesús huillachun cachashca alli huillaita huillaccuna cutimushpaca, yachachishcatapish, tucui imalla ruhuashcatapish Jesusman parlarcacuna.

MARCOS 6:7

Chai q'uipami Jesusca paipac chunga ishcai yachacuccunata c'ayashpa, paicunataca supaicunata llucchicllacunata ruhuashpa, ishcai ishcaita cacharca.

SAN LUCAS 11:49

Chaimantami Taita Diosca tucuita yachac cashpa, cashna nirca: ‘Ñuca ima nishcata huillaccunatapish, shinallatac ñuca acllashca huillaccunatapish cachashami. Chai cachashcacunamanta maijancunataca huañuchingacunami, maijancunataca mana ricunachishpa llaquichingacunami’ nirca.

SAN LUCAS 22:30

Chashna ruhuacpimi, cancunaca maipi ñuca mandacucpica ñucahuan micunguichic, ubianguichic. Shinallatac mandashpa tiyarinapi tiyarishpami, Israelpac*f** chunga ishcai aillucunata mandanguichic— nirca.

SAN LUCAS 6:14

Chai acllashcacunaca shucca Simonmi carca. Paillatatacmi Pedro shutita Jesusca shutichirca. Simonpac huauqui Andrespish carcami. Shinallatac Jacobo, Juan, Felipe, Bartolomepish carcami.

SAN JUAN 4:33

Shina nicpimi yachacuccunaca: —¿Pishi micunata carashca canga?— ninacurcacuna.

HECHOS 1:13

Ña Jerusalenman chayashpaca, paicuna pozacushca huasi altomanmi huichicurcacuna. Chai huasiman huichicuccunaca Pedro, Jacobo, Juan, Andrés, Felipe, Tomás, Bartolomé, Mateo, Alfeopac churi Jacobo, Celote*f** nishca Simón, shinallatac Jacobopac huauqui Judaspish carcacunami.

EFESIOS 2:20

Jesucristomi huasita ruhuangapac callaripi churashca rumi shinaca can. Diosmanta ñaupa huillaccunapish, Jesús acllashca huillaccunapish chai rumi jahuallapitacmi huasita ruhuangapac callaric shinaca. Cutin cancunaca chai huasi jahuapi huasichishca shinami canguichic.

EFESIOS 4:11

Chai shinami paillatac shuccunataca pai acllashca huillaccuna cachun, shuccunataca Dios ima nishcata huillaccuna cachun, shuccunataca quishpirinamanta alli huillaita huillaccuna cachun, shuccunataca criccunata pushaccuna cachun, cutin shuccunataca yachachiccuna cachun acllashpa, Diosmanta ruhuac canata curca.

HEBREOS 3:1

C'uyashca criccuna, cancunaca Diospaclla causachun c'ayashcacunami canguichic. Chashna cashcamanta ñucanchic crishca shina, Jesucristotaca Diosmanta huillac cashcata, shinallatac curacunata jatun mandac cura cashcata yuyashunchic.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

APOCALIPSIS 12:1

Jahua cielopica shuc jatun mancharinami ricurirca. Chaipica shuc huarmimi intihuan pillushca shina churarishca carca. Quillaca paipac chaqui ucupimi carca. Paica umapica chunga ishcai lucerocunayuc corona apashcami carca.

APOCALIPSIS 18:20

¡Chai pueblota tucuchishcamantaca Diospaclla caccunapish, Jesusmanta huillachun acllashcacunapish, Diosmanta ñaupa huillaccunapish, shinallatac jahua pachapi tucui causaccunapish cushicuichic! Cancunata llaquichic cashcamantami Taita Diosca chai pueblotaca chashna llaquichishca.

APOCALIPSIS 21:14

Chai pueblota jarcac callari pircapica, chunga ishcai rumicunami carca. Chai rumicunapica, Pactalla Ovejapac chunga ishcai acllashca huillaccunapac caishucpac chaishucpac shutitami quillcashca carca.