SAN LUCAS 4:42 - Nuevo Testamento en Quichua Cañar 1996

⁴² Jesusca tutamanta ña achicyamucucpimi, pai maipi cashca pueblomanta llucshishpa, pipish mana causana pambaman rirca. Chashna ricpica, tucui gentecunami Jesusta mashcashpa, pai maipi cashcaman chayarcacuna. Chashna tarishpaca, ama maiman richun nishpami, Jesustaca jarcanata munarcacuna.

Dios Rimashcata Quillcashcami

⁴² Jesusca ña achicyamucucpimi, chaimanta llucshishpa, shitashca pambaman rirca. Chaimantami gentecuna mashcashpa, Jesús maipi cashcaman chayashpaca, ama maiman richun jarcanata munarca.

SAN LUCAS 4:42 Iomraidhean Croise

MARCOS 1:45

Ashtahuanpish chai runaca, ima shina alliyashcataca tucui gentecunamanmi parlarca. Chaimantami Jesusca mai pueblomanpish gentecuna ricucucpica mana yaicui pudishpa, maipi mana gente tiyaillapi puricurca. Jesús chaipi cacpipish, maimanta cashpapish paipacmanca shamurcacunallami.

SAN LUCAS 24:29

Chashna risha nicucpimi, paicunaca mana cachashun nishpa: —Caillapi ñucanchichuan saquiri. Ñami chishi, shinallatac tutayamugricunmi— nircacuna. Chashna nicpi Jesusca paicunahuan saquirishpa, pozangapac yaicurcallami.

SAN LUCAS 6:12

Chai punzhacunapimi Jesusca Taita Diosman mañangapac urcuman rirca. Chaipica tucui tutami Taita Diosman mañarca.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

SAN JUAN 4:40

Chashna crishpami, gentecunaca Jesuspacman shamushpa: “Caillapi saquiriyari” nishpa mañarcacuna. Shina mañacpimi, Jesusca ishcai punzhata chaipi saquirirca.

SAN JUAN 6:24

Jesuspish, paipac yachacuccunapish mana chaipi cacta ricushpami, gentecunaca chaiman chayac canoacunapi huichicushpa, Capernaum pueblopi Jesusta mashcangapac rircacuna.