SAN LUCAS 4:41 - Nuevo Testamento en Quichua Cañar 1996

⁴¹ Chai ungushcacunamantaca, achcacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparircacuna. Chashna caparicucpimi Jesusca: —¡Upallaichic!— nirca. Quishpichic Cristo cashcata yachashcamantami, supaicunataca mana imata rimachun saquirca.

Dios Rimashcata Quillcashcami

⁴¹ Achca runacunamantami supaicunaca llucshirca. Chai supaicuna llucshishpaca: —¡Canca Diospac Churimi cangui!— nishpami caparirca. Chaimantami Jesusca: —¡Upallaichic!— nirca. Cristo cashcata yachashcamantami, supaicunataca mana imata rimachun saquirca.

SAN LUCAS 4:41 Iomraidhean Croise

SAN MATEO 26:63

Chashna nicpipish, Jesusca imata mana nircachu. Chaimantami jatun mandac curaca: —Causac Diospac shutipimi huillachun nini. ¿Canchu Diospac Churi Quishpichic Cristoca cangui?— nirca.

SAN MATEO 4:3

Chashna yarcaihuan cacpimi, diablo Jesuspacman cuchuyashpaca: —Can Diospac Churitac cashpaca, cai rumicunata tanda tucuchun nillari— nirca.

SAN MATEO 8:16

Ña tutayamucpica, supai japishcacunatami Jesuspacman apamurcacuna. Chashna apamucpi, Jesusca pai rimashcallahuan supaicunata llucchishpa cachashpami, tucui ungushcacunatapish alliyachirca.

SAN MATEO 8:29

Ña Jesuspacman chayashpaca: —Diospac Churi Jesús, ¿imatatac nic shamungui? ¿Canca manarac llaquichina punzha chayamucpichu llaquichic shamungui?— nishpa caparircacuna.

SAN MATEO 8:4

Chashna alliyachishpaca, Jesusca: —Riqui, pi canta alliyachishcataca, pacta piman huillanguiman. Cunanca ri, Israel*f** curaman ricuchigri. Can alliyashcata paicuna ricuchunca, Diosman cuna cashcata Moisés mandashca shinallatac cugringui— nirca.

MARCOS 1:25

Chashna nicpi Jesusca: —¡Upallai, cai runamanta llucshi!— nishpami, sinchita rimarca.

MARCOS 1:32

Ña inti tigrashpa tutayamucucpica, tucui ungushcacunatapish, supai japishcacunatapish Jesuspacman pushamurcacunami.

MARCOS 1:34

Chaipimi Jesusca ima ung:uihuan caccunatapish, achcacunata alliyachirca. Supai japishca caccunamantapish, supaicunata llucchishpa cacharcami. Jesusca pai pi cashcata supaicuna yachacpimi, ama imata rimarichun nirca.

MARCOS 3:11

Shinallatac supaicunapish Jesusta ricushpaca, paipac ñaupapi cungurishpami: —¡Canca Diospac Churimi cangui!— nishpa caparircacuna.

SAN LUCAS 4:39

Jesusca chai ungushcapacman cuchuyashpa cumurishpami, chai ung:uitaca “anchuri” nishpa rimarca. Chai ung:ui anchuricpica, ña alliyashpa, paicunaman micunata carai callarircallami.

SAN JUAN 20:31

Chashna cacpipish cancuna Jesusta Quishpichic Cristo cashcatapish, Diospac Churi cashcatapish crichun, shinallatac paita crishpa huiñai causaita charichunmi, caicunataca quillcani.

SANTIAGO 2:19

Canca shuclla Dios tiyashcatami cringui. Chai shina crishpaca, allitami ruhuangui. Chai shinallaca supaicunapish crincunami, shinallatac manchaihuanpish chucchuncunami.