SAN LUCAS 3:8 - Nuevo Testamento en Quichua Cañar 1996

⁸ Ashtahuanpish cancuna Taita Diosman cutirishca cashcatatac ricuchingapacca, alli p'ucuc grano shina allita ruhuashpami ricuchina canguichic. ‘Ñucanchicca ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacunguichicchu. Ashtahuanpish ñucaca ninimi: Taita Dios cai rumicunatapish Abrahampac huahua huahuacunata ruhuasha nishpaca, ruhuanmanllami.

Dios Rimashcata Quillcashcami

⁸ Grano allita pucucuc shina, Diosman cutirishca cashcataca ricuchichicyari. Ama cancunapac shungupi: “Abrahampac huahua huahuacuna cashcamantaca quishpirishunllami” nishpa yuyacuichicchu. Ñucaca ninmi: Dios cai rumicunatapish Abrahampac huahua huahuacunata ruhuanmanllami.

SAN LUCAS 3:8 Iomraidhean Croise

SAN MATEO 21:43

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.

SAN MATEO 3:8

Cancuna Taita Diosman cutirishca cashcatatac ricuchingapacca, alli p'ucuc grano shina allita ruhuashpami ricuchina canguichic.

SAN MATEO 3:9

‘Ñucanchicca, ñaupa taita Abrahampac huahua huahuacuna cashcamantaca quishpirishunllami’ nishpaca, ama yuyacuichicchu. Ashtahuanpish ñucaca ninimi: Taita Diosca cai rumicunatapish Abrahampac huahua huahuacunata ruhuasha nishpaca, ruhuanmanllami.

SAN LUCAS 13:25

Huasiyuc jatarishpa, punguta huichcashca q'uipaca, cancuna canzhapi saquirishpaca, yaicushun nishpami: ‘Huasiyuc, amito, punguta pascai’ nicunguichic. Chashna nicpi huasiyucca: ‘Pichari canguichic, mana ricsinichu’ ningami.

SAN LUCAS 13:26

Chashna nicpi cancunaca: ‘Canllahuantac micushpa puric carcanchicca. Canllatacmi ñucanchic llactacunapipish yachachicurcangui’ nicunguichicmi.

SAN LUCAS 14:9

bodayuc shamushpa: ‘Caimanta anchuri, paitami caipica tiyachigrini’ ninman. Chashna nicpica, pingaihuanmi yangallacuna tiyarinapi tiyaringui.

SAN LUCAS 19:40

Chashna nicpi Jesusca: —Paicuna upallacpica, rumicunami caparinga— nirca.

SAN LUCAS 19:9

Chashna nicpimi Jesusca: —Cai runapish, ñaupa taita Abrahampac huahua huahuatacmi can. Cunan punzhami quishpirinaca cai huasipi causaccunaman chayamushca.

SAN LUCAS 5:21

Jesús chashna nicpica, chai fariseocunapish, mandashcacunata yachachiccunapish: “Cai runaca, ¿ima cashpatac Dios shina tucushpa Diosta p'iñachicun? Juchacunata pipish mana perdonai pudinchu, Taita Diosllami juchacunataca perdonan” nishpami yuyacurcacuna.

SAN JUAN 8:33

Shina nicpi paicunaca: —Ñucanchicca ñaupa taita Abrahampac huahua huahuacunami canchic. Jaicapi pipac huatashca mana canchicchu. ¿Ima nishpatac canca cacharichingami ninguiyari?— nircacuna.

SAN JUAN 8:39

Shina nicpi paicunaca: —Ñucanchic taitaca Abrahammi— nircacuna. Shina nicpi, Jesusca cashnami nirca: —Cancuna Abrahampac huahuacunatac cashpaca, Abraham ruhuashca shinallatacmi ruhuanguichicman.

HECHOS 26:20

Chashna cazushpami, Damasco pueblopi huillai callarircani. Shinallatac Jerusalén pueblopipish, tucui Judea llactacunapipish, mana israelcunamanpish:*f** ‘Mana alli causacushcata saquishpa, Taita Diosman cutirishpa, allita causaichic’ nishpa huillarcani.

ROMANOS 4:16

Abraham crishcamantami, paipac huahua huahuacunamanca Taita Dios cusha nishca pai c'uyashcallamanta cushca cachun, chashnaca nishca. Dios cushami nishcaca mana mandashcacunata cazuccunallamanchu, ashtahuanpish Abraham shina tucui criccunamanpish canmi. Chashna cacpimi, Abrahamca tucui ñucanchicpac taita shina tucushca.

ROMANOS 9:7

Shinallatac taita Abrahampac huahua huahuacunapish mana tucuichu paipac huahuacunatac can, ashtahuanpish Taita Diosca: “Cambac churi Isaacpac huahua huahuacunallami cambac huahuacuna canga” nishcami.

FILIPENSES 1:11

Cancuna Jesucristollamanta alli grano p'ucuc shina allita ruhuacpimi, Taita Diostaca “allimari cangui, sumacmari cangui” ningacuna.