SAN LUCAS 3:7 - Nuevo Testamento en Quichua Cañar 1996

⁷ Bautizarisha nishpa shamuc gentecunataca, Juanca cashnami nirca: —¡Culebra shina millai gentecuna! Taita Dios p'iñarishpa, yallita ñalla llaquichigricushcamanta cancuna quishpirichunca, ¿pitac huillarcayari?

Dios Rimashcata Quillcashcami

⁷ Achca gentecunami bautizarisha nishpa shamurca. Juanca paicunataca: —¡Culebrapac huahuacuna! ¿Pitac Dios piñarishpa, cachashca llaquimanta quishpirinata huillarca?

SAN LUCAS 3:7 Iomraidhean Croise

SAN MATEO 12:34

Culebra shina millai gentecuna, cancunallatac millai cashpaca, ¿ima shinatac allitaca rimaringuichicyari? Shungupi ima yuyaicuna tiyashcatami, shimica riman.

SAN MATEO 23:33

Cancunaca culebra shina millaicunapac huahuacuna cashpami, cancunapish culebra shina millaicuna canguichic. Chashna cashpaca, ¡maitatac ucu pacha ninaman shitashca canamantaca quishpiringuichicyari!

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

SAN JUAN 8:44

Cancunapac taitaca diablomi. Cancunaca pai shinami canguichic. Pai shina cashpami, pai munashcata ruhuashun ninguichic. Callarimanta pachami diabloca huañuchic cashca. Paica imapish cashcata ruhuana munaitaca jaicapi mana charishcachu. Shina cashpami, paica cai pachapipish llullacunlla. Paica llullanata callarichic cashcamantami, llullapac taitaca can. Pai llullashpaca, pai ima shina cashca shinallatacmi llullan.

HECHOS 13:10

—Canca diablopac huahua cashpami, tucui mana allillata ruhuashpa allitaca p'iñashpa, llullashpalla causangui. Mandac Dios munashca shina alli causasha nicuccunataca, ¿maicamantac pandachicungui?

1 TESALONICENSES 1:10

Shinallatac huañushcacunapuramanta Taita Dios causachishca, paipac Churi Jesucristo jahua pachamanta cutin shamunata shuyacushcatapish parlancunami. Taita Dios p'iñarishpa, shamuc punzhapi llaquichinamanta quishpichicca Jesucristomi.

HEBREOS 6:18

Taita Diosca paipac shimihuan cushami nishcamanta, shinallatac Dios manatac llullac cashcamantaca, pai cushami nishcata tucui shunguhuan shuyashpa, pai huacaichichun munaccunaca cushicuitami japishcanchic.

1 JUAN 3:8

Maijanpish juchata ruhuacca diablopacmi. Diablomi callarimanta pacha juchata ruhuachicca. Diospac Churica diablo imata ruhuacushcata chingachingapacmi shamurca.