SAN LUCAS 3:22 - Nuevo Testamento en Quichua Cañar 1996

²² Chashnallatac Diospac Espíritu paloma shina jahuamanta shamushpa, paipac jahuaman uricumucuctami ricurca. Shinallatac jahua pachamanta rimashpaca: —Canmi ñuca c'uyashca Churi cangui. Canllami ñucataca cushichingui— nishcami uyarirca.

Dios Rimashcata Quillcashcami

²² Chashnallatac Diospac Espiritumi paloma shina jahuamanta paipac jahuaman urai shamurca. Shinallatac jahua pachamanta rimashpaca: «Canmi ñuca cuyashca Churi cangui. Canllami ñucataca cushichingui» nirca.

SAN LUCAS 3:22 Iomraidhean Croise

SAN MATEO 12:18

“Caipimi ñuca acllashca servicca. Paitami ñucaca c'uyani. Paihuanmi cushicuni. Paimanmi ñuca Espiritutaca cusha. Chashna cucpica, tucui llactacunapimi ñuca cashcata ruhuashpa mandana cashcataca huillanga.

SAN MATEO 17:5

Pedro chashna nicucpiracmi, yuranlla p'uyu paicunataca quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Paillami ñucataca cushichin. Pai ima nishcata uyanguichic— nirca.

SAN MATEO 27:43

Paica: ‘Diospac Churimi cani’ nishpami, Dios yuyailla puricurca. Shina cacpica, Dios c'uyashpaca quishpichinmanmi— nircacuna.

SAN MATEO 3:13

Juan bautizachun nishpami, Jesusca Galilea llactamanta Jordán yacuman rirca.

SAN MATEO 3:16

Jesusca bautizancami yacumanta llucshirca. Shina llucshishpaca, jahua pacha pascaricpi, Diospac Espíritu paloma shina paipac jahuaman uriyamucuctami ricurca.

SAN MATEO 3:17

Shinallatac jahua pachamanta rimashpaca: “Caimi ñuca c'uyashca Churica. Paillami ñucataca cushichin” nishcami uyarirca.

MARCOS 1:11

Shinallatac jahua pachamanta rimashpaca: “Canmi ñuca c'uyashca Churica cangui. Canllami ñucataca cushichingui” nishcami uyarirca.

MARCOS 1:9

Bautizac Juan huillacui punzhacunallatacmi, Jesusca Galilea llactapi cac Nazaret pueblomanta llucshishpa, Juanpacman shamurca. Chaipimi Juanca Jordán yacupi Jesustaca bautizarca.

MARCOS 9:7

Shina rimacucpimi p'uyu llandushpa, paicunataca ñapish quillparca. Chai p'uyu ucumanta shuc rimashca uyarishpaca: —Caimi ñuca c'uyashca Churi. Pai ima nishcata uyanguichic— nirca.

SAN LUCAS 2:14

“Jahua pachapi cac Taita Dioslla, ¡cantaca tucui alli nichun! Cai pachapipish can c'uyashca causaccunaca, ¡sumac causaita charichun!” nircacuna.

SAN LUCAS 4:21

Chashna ricuracucpimi Jesusca: —Cunan punzhallatacmi, cancuna uyashca quillca pactashcataca ricucunguichic— nirca.

SAN JUAN 1:32

Juanca mana pacashpami caitapish nirca: —Diospac Espíritu jahuamanta paloma shina shamushpa, paipi tiyarictapish ricurcanimi.

SAN JUAN 12:28

¡Taitalla, can imatapish ruhuaclla cashcataca ricuchiyari!— nirca. Shina nicpi jahua pachamantaca: —Ña ricuchishcanimi. Cutinpish ricuchishami— nishcami uyarirca.

SAN JUAN 5:37

Ñucata cachac Taitapish ñucamantami huillan. Shina cacpipish cancunaca jaicapi paitaca mana ricushcanguichicchu, shinallatac pai rimashcatapish mana uyashcanguichicchu.

HECHOS 10:38

Nazaret pueblomanta Jesusmanca tucui imatapish ruhuaclla cachunmi, Taita Diosca paipac Espirituta curca. Taita Dios paihuan cacpimi, Jesusca maipipish allita ruhuashpa, Satanás*f** llaquichicushcacunatapish alliyachishpa purirca.

COLOSENSES 1:13

Taita Diosmi amsa millai yuyaicuna mandashpa huatashca shina charicucmanta, paipac c'uyashca Churi mandacucman aparca.

1 PEDRO 2:4

Apunchic Jesusman chayarichic, paica causac rumi shinami. Paitami gentecunaca mana valichishpa shitashca. Shina mana valichishca cacpipish, Taita Diosmanca achca valic acllashca rumimi can.