SAN LUCAS 24:6 - Nuevo Testamento en Quichua Cañar 1996

⁶ Jesusca mana caipichu, ñami causarirca. Pai Galilea llactapi cashparac, ima nishcataca yuyarichicyari:

Dios Rimashcata Quillcashcami

⁶ Mana caipichu, ñami causarirca. Pai Galilea llactapirac cashpa, ima nishcataca yuyarichic.

SAN LUCAS 24:6 Iomraidhean Croise

SAN MATEO 12:40

Ima shinami Jonás quimsa tutata, quimsa punzhata shuc jatun pescadopac huicsapi carca, chashnallatacmi Runa Tucungapac shamushca*f** ñucaca, quimsa tutata, quimsa punzhata allpa ucupi casha.

SAN MATEO 16:21

Chashna nishca q'uipallatacmi, Jesusca paipac yachacuccunamanca cashna nishpa yachachi callarirca: —Jerusalén pueblomanmi rina cani. Chaipimi curacunata mandac curacunapish, cunac yuyaccunapish, mandashcacunata yachachiccunapish llaquichicpi, mai llaquita apashpa huañuna cani. Shina cashpapish quimsa punzhapica causarishallami— nirca.

SAN MATEO 27:63

Chaiman chayashpaca: —Jatun mandaclla. Cai llullac runa causacushpaca: ‘Quimsa punzhapica causarishallami’ nishcatami yuyarinchic.

SAN MATEO 28:6

Paica mana caipichu. Pai nishca shinallatac, ña causarircami. Shamuichic, paita maipi churashcapi ricunguichic.

MARCOS 16:6

Ashtahuanpish paica: —Ama mancharichicchu. Nazaret pueblomanta cruzpi chacatashca Jesustami cancunaca mashcacunguichic. Paica ña causarircami, ña mana caipichu. Maipi paita churashcapi ricuichic.

MARCOS 8:31

Jesusca cashna nishpami, paipac yachacuccunamanca yachachi callarirca: —Runa Tucungapac shamushca*f** ñucaca, achca llaquicunata apanami cani. Curacunata mandac curacunapish, cunac yuyaccunapish, mandashcacunata yachachiccunapish ñucataca manatac ricunachishpa huañuchingacunami. Shina huañuchicpipish, quimsa punzhapica causarishallami— nirca.

SAN LUCAS 24:34

Chai tandanacushcacunaca: —Apunchic Jesús causarishcatami Simonca ricushca— nishpami huillarcacuna.

SAN LUCAS 24:5

Chashna ricuricpica, ashtahuan mancharishpami pambacaman cumurircacuna. Shina cumuricpica, chai runacunaca: —¿Ima nishpatac ña causarishcataca, huañushcacunata enterrashca chaupipica mashcacunguichic?

SAN LUCAS 9:22

Runa Tucungapac shamushca*f** ñucaca llaquicunata apanami cani. Curacunata mandac curacunapish, cunac yuyaccunapish, mandashcacunata yachachiccunapish ñucata mana ricunachishpa huañuchingacunami. Chashna huañuchicpipish, quimsa punzhapica causarishallami— nirca.

SAN LUCAS 9:44

—Caita alli uyaichic, pacta cungaringuichicman. Runa Tucungapac shamushca*f** ñucataca runacunaman japichingacunami— nirca.

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

2 TESALONICENSES 2:5

Ñuca cancunahuan cashparac cai shina huillashcataca, ¿manachu cancunaca yuyaringuichic?