SAN LUCAS 24:4 - Nuevo Testamento en Quichua Cañar 1996

⁴ Chashna mana ricuricpi mancharishpa shayacucpimi, yuraclla, jagan nicuc churana churashca ishcai runacuna paicunapac ñaupapi ñapish ricurircacunalla.

Dios Rimashcata Quillcashcami

⁴ Paicuna chaita ricushpa, manchaihuan shayacucpimi, jagan nicuc yuranlla churashca ishcai runacuna paicunapac ñaupapi ricurirca.

SAN LUCAS 24:4 Iomraidhean Croise

MARCOS 16:5

Chai ucuman yaicushpaca, alli lado maquiman shuc moso sunilla yurac churanata churashca tiyacuctami ricurcacuna. Paita ricushpaca, munaimi mancharircacuna.

SAN LUCAS 2:9

Chashna cuidacucpimi, Taita Dios cachashca angelca Diospac sumaimana achiclla cashcahuan ñapish cungailla ricurishpa, tucui paicunapac muyundicta achicyachirca. Chashna ricuricpimi, michiccunaca munai mancharircacuna.

SAN LUCAS 24:5

Chashna ricuricpica, ashtahuan mancharishpami pambacaman cumurircacuna. Shina cumuricpica, chai runacunaca: —¿Ima nishpatac ña causarishcataca, huañushcacunata enterrashca chaupipica mashcacunguichic?

HECHOS 1:10

Jesús chashna ricta paicuna huichailla ricuracucpimi, ñapish ishcai yuraclla churarishca runacuna paicunapac cuchupi ricurishpaca:

HECHOS 12:7

Chashna cuidacucpipish, Mandac Dios cachashca ángel shamucpica, cungailla chai ucuca achiclla tucurcallami. Chai angelca: “¡Utca jatari!” nishpami, Pedrotaca cuyuchishpa ricchachirca. Chashna nicpica, huatashca cadenacunaca Pedropac maquicunamanta cacharirishpa urmarcallami.

1 TIMOTEO 3:16

Pi mana yachashca, Taita Dios llaquishpa huillashcata ñucanchic crishcaca, tucuimanta yalli allimi: Apunchic Jesusca aichayuc tucushpami ricurirca. Diospac Espirituhuan cashcamanta tucuitami misharca. Shinallatac paitaca angelcunapish ricurcami. Mana israelcunamanpish*f** paillamantami paita c'aticcunaca huillashcacuna. Cai pachapica paitaca achcacunami crishcacuna. Jahua pachapipish paitaca alli nishpami chasquishca carca.