SAN LUCAS 23:38 - Nuevo Testamento en Quichua Cañar 1996

³⁸ Jesusta chacatashca uma jahua caspipica, griego*f** rimaipi, latín*f** rimaipi, hebreo*f** rimaipi: “Caica Israelcunata Jatun Mandacmi” nishpa, quillcashca tiyacurca.

Dios Rimashcata Quillcashcami

³⁸ Jesuspac uma jahua caspipica, griego rimaipi, latín rimaipi, hebreo rimaipi: «Caica Israelcunata Jatun Mandacmi» nishpami, quillcashca carca.

SAN LUCAS 23:38 Iomraidhean Croise

SAN MATEO 2:2

Paicunaca: —¿Israelcunata*f** mandangapac huacharishca huahuaca, maipitac? Ñucanchicca inti llucshina ladopi, huahua huacharishcata ricuchic lucerotami ricushpa, alli ningapac shamunchic— nircacuna.

SAN MATEO 27:11

Mandac Pilatopac ñaupapi Jesús shayacucpimi Pilatoca: —¿Canchu israelcunata*f** Jatun Mandac cangui?— nishpa tapurca. Shina nicpi Jesusca: —Ari, canllatac ña nishcanguimi— nirca.

SAN MATEO 27:37

Jesusta chacatashca cruz jahuapica, imamanta huañuchishcata quillcashcatami churarcacuna. Chai quillcashcapica: “Caimi israelcunata Jatun Mandac Jesús” nishcami carca.

MARCOS 15:18

Chashna churachishpaca: —¡Israelcunata Jatun Mandac, canca allimari cangui!— nishpa capari callarircacuna.

MARCOS 15:26

Imamanta chacatashcatapish caspipi quillcashpami: “Caica Israelcunata Jatun Mandacmi” nishpa churarcacuna.

MARCOS 15:32

¡Israelcunata Jatun Mandac Quishpichic Cristo cashpaca, cunanllatac chacatashcamanta uricuiyari, chashna uricucta ricushpaca, ñucanchicpish crinchicmanmi!— nircacuna. Jesushuan pacta chacatashca runacunapish, paitaca c'amishpa rimarcacunami.

SAN LUCAS 23:3

Chashna nicpimi Pilatoca: —¿Canchu israelcunata Jatun Mandac cangui?— nishpa tapurca. Shina nicpimi, Jesusca: —Ari, ña canllatac ninguimi— nirca.

SAN JUAN 19:3

Shina ruhuashpaca, paipac cuchuman cutinpish cutinpish chayashpami: —Israelcunata Jatun Mandac, canca allimari cangui— nishpa, ñahuipi huactarcacuna.