SAN LUCAS 23:34 - Nuevo Testamento en Quichua Cañar 1996

³⁴ Chashna chacatacpipish Jesusca: —Ñuca Taitalla, perdonai. Cai gentecunaca ima ruhuacushcata mana yachancunachu— nirca. Cutin soldadocunaca Jesuspac churanacunata japinacungapacca, suertetami ruhuarcacuna.

Dios Rimashcata Quillcashcami

³⁴ Chashna chacatacpipish Jesusca: —Ñuca Taitalla, cai gentecunaca ima ruhuacushcata mana yachanchu. Chaimanta perdonai— nirca. Cutin Jesuspac churanacunata suerteta ruhuashpami chaupinacurca.

SAN LUCAS 23:34 Iomraidhean Croise

SAN MATEO 11:25

Chai q'uipami Jesusca: “Jahua pachata cai pachata Mandac ñuca Taitalla, cantaca ‘allimari cangui’ ninimi. Canca cai yachanacunataca alli yuyaiyuc, alli yachaccunamanca pacashpami mana yachachishcangui, ashtahuanpish huahuacuna shinamanmi, yachana yuyaita cushpa yachachishcangui.

SAN MATEO 11:26

Ari, ñuca Taitito, can chashna ruhuasha nishcamantami, chashnaca ruhuashcangui.

SAN MATEO 5:44

Ashtahuanpish ñucaca cashnami nini: Cancunata p'iñaccunata c'uyaichic, shinallatac cancunata llaquichiccunamanta Taita Diosman mañaichic.

MARCOS 15:24

Chashna ruhuashca q'uipami, soldadocunaca Jesusta cruzpi chacatarcacuna. Chai q'uipaca: “Jesuspac churanacunata maijanmi japinchic” nishpami, paicunapura suerteta ruhuarcacuna.

SAN LUCAS 22:42

Chashna cungurishpaca: —Ñuca Taitalla. Can munashpaca, cai jayac ubiana shina llaquita ñuca apanataca jarcaiyari. Ñuca cashna munacpipish, ama ñuca munashcata ruhuaichu, ashtahuanpish can munashcata ruhuai— nishpami mañarca.

SAN JUAN 17:9

Ñucaca paicunamantami mañani. Cai pachapaclla causaccunamantaca mana mañanichu, ashtahuanpish ñucaman cushcacunaca cambac cashcamantami paicunamantaca mañani.

SAN JUAN 19:11

Shina nicpi Jesusca: —Taita Dios imatapish ruhuana cashcata cucllapimi, ñucataca imatapish ruhuai pudingui. Shina cacpica, canman apamushpa cucmi, canta atishpa yalli juchayucca can— nirca.

HECHOS 16:28

Chashna ruhuagricucpimi Pabloca: —¡Ama chashna ruhuaichu! ¡Tucui mashnami caillapitac canchic!— nishpa caparirca.

HECHOS 3:17

Caipi cac tucui Israel*f** huauquicuna. Cancunapish, cancunata mandaccunapish mana yachashpa, Jesusta huañuchishcatami yachani.

HECHOS 7:60

Esteban cungurishpaca: “¡Apunchic Jesús, paicuna cashna mana allita ruhuacushcataca, ama yuyaringuichu!” nishpami, sinchita caparirca. Chashna nishpaca huañurcallami.

ROMANOS 12:14

Cancunata p'iñaccunataca paicunaman Taita Dios allicunata cuchun nishpa mañaichic. Paicuna ima llaqui tucuchun ninapac randica, Taita Dios paicunaman allicunata cuchun nishpa mañaichic.

1 CORINTIOS 2:8

Chaita mana yachashcamantami, cai pacha mandaccunaca Apunchic Jesustaca chacatarcacuna. Paicuna yachashca cashpaca, sumaimana Apunchic Jesustaca mana chacatanmanchu carcacuna.

1 CORINTIOS 4:12

Shinallatac ñucanchic quiquin maquihuan imallata ruhuashpami shaicushcanchic. C'amishpa rimaccunamanca, Taita Dios allicunata cushca cachun ninchicmi. Shuccuna llaquichicpipish, llaquita apanchicllami.

1 TIMOTEO 1:13

Ñaupaca criccunata llaquichishpa, Jesusta p'iñashpa c'amicmi carcani. Shina cacpipish manarac cric cashpa, imata ruhuacushcata mana yachashcamantami, Taita Diosca ñucata llaquirca.

1 PEDRO 3:9

Shuccuna mana allita ruhuacpipish, ama cancunapish chai shinallatac ruhuaichicchu. Shinallatac c'amishpa rimacpipish, ama cancunapish chai shinallatac rimaichicchu. Chaipac randica Taita Dios allicunata cuchun nishpa munaichic. Taita Diosca allicunata chasquichunmi, cancunataca c'ayarca.