SAN LUCAS 23:2 - Nuevo Testamento en Quichua Cañar 1996

² Paipac ñaupapica Jesustaca juchanchishpami: —Cai runaca ñucanchic israelcunata*f** mana allita ruhuachicuctami japircanchic. Paica: ‘Jatun Mandac Quishpichic Cristomi cani’ ninmi. Shinallatac jatun mandac Cesarman*f** pagana impuestotapish ama pagachun ninmi— nircacuna.

Dios Rimashcata Quillcashcami

² Paipac ñaupapica Jesustaca juchanchishpaca: —Cai runataca mandacta ama cazuchunmi gentecunata jatarichicucta japircanchic. Paica: “Ñucami Jatun Mandac Cristo cani” nishpami, impuestota jatun mandac Cesarman ama pagachun ninmi— nirca.

SAN LUCAS 23:2 Iomraidhean Croise

SAN MATEO 17:27

Ashtahuanpish impuestota japiccunata mana p'iñachingapacca, cuchaman ri. Chaiman chayashpaca, anzuelota shitangui. Maijan pescadoracmi japi tucun, chaipac shimipimi cullquita taringui. Chai cullquita apashpa, impuestota japiccunaman canmantapish, ñucamantapish cugringui— nirca.

SAN MATEO 22:21

Chashna tapucpimi paicunaca: —Jatun mandac Cesarpacmi— nircacuna. Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic, shinallatac Diospac cashcataca, Diosllamantac cuichic— nirca.

SAN MATEO 27:11

Mandac Pilatopac ñaupapi Jesús shayacucpimi Pilatoca: —¿Canchu israelcunata*f** Jatun Mandac cangui?— nishpa tapurca. Shina nicpi Jesusca: —Ari, canllatac ña nishcanguimi— nirca.

MARCOS 12:17

Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic. Diospac cashcataca Diosllamantac cuichic— nirca. Chashna nicpica, paicunaca mana amirishpami mancharishpa saquirircacuna.

MARCOS 15:2

Chaiman chayachicpimi Pilatoca: —¿Canchu israelcunata Jatun Mandac cangui?— nishpa tapurca. Shina tapucpi Jesusca: —Ari, canllatac nishcanguimi— nirca.

SAN LUCAS 23:14

Pilatoca: —‘Gentecunata mana allita ruhuachicun’ nishpami, cancunaca cai runataca juchanchishpa apamushcanguichic. Shina nicucpipish, cancunapac ñaupapi tapushpaca, cancuna juchanchishca shina ima mana allitaca mana tarinichu.

SAN LUCAS 23:5

Chashna nicpica, ashtahuanmi juchanchishpa tucui chaipi caccunaca: —Paica Galilea llactamanta callarishpa, tucui cai Judea llactacunata purishpa, gentecunaman mana allita yachachishpami, p'iñanacuipi churacun— nircacuna.

SAN JUAN 18:29

Chaimantami mandac Pilato llucshishpaca: —¿Cai runataca imamantatac juchanchishpa apamunguichicyari?— nishpa tapurca.

SAN JUAN 18:30

Shina nicpi paicunaca: —Cai runa ima millaita mana ruhuashca cacpica, caimanca mana apamunchicmanchu carcanchic— nircacuna.

SAN JUAN 19:12

Chaita uyashcamanta pachami Pilatoca, ima shinapish Jesusta cacharinata munarca. Shina cacpipish israelcunaca: —¡Cai runata cacharishpaca, jatun mandac Cesarmanca*f** mana allita ruhuanguichu! ¡Maijanpish ‘jatun mandacmi cani’ niricca, jatun mandac Cesarhuanca mana apanacunchu!— nishpa caparircacuna.

HECHOS 24:13

Shinallatac cunan ñucata juchanchicushcataca, ‘chaica chashnatacmi’ nishpaca, pi mana ningachu.

HECHOS 24:5

Cai runaca puric ung:ui shinami, maipipish israelcunataca*f** pandata yachachishpa, macanacuipi churashpa puricushca. Paica Nazaret pueblomanta Jesús yachachishcata c'aticcunata pushacmi cashca.

ROMANOS 13:7

Maijanman imata cuna cacpica, cunami canguichic. Imata tandachishpa cuna cacpica, cunami canguichic. Impuestota japicmanpish cunami canguichic. Maijanta cazuna cacpipish, cazunami canguichic. Shinallatac maijanta alli nina cacpica, alli ninami canguichic.