SAN LUCAS 22:36 - Nuevo Testamento en Quichua Cañar 1996

³⁶ Shina nicpi Jesusca: —Shinashpaca, cunanca maijanpish muchilatapish, cullquitapish charicca, apaichiclla. Shinallatac maijanpish espadata mana charicca, churanata c'atushpa randichic.

Dios Rimashcata Quillcashcami

³⁶ Shina nicpimi Jesusca: —Cunanca maijanpish cucayutapish, cullquitapish charicca, apaichiclla. Maijanpish espadata mana charicca, churanata catushpa randichic.

SAN LUCAS 22:36 Iomraidhean Croise

SAN MATEO 10:10

Shinallatac cucayu muchilatapish, yanandic churanatapish, ushutatapish, tauna caspitapish ama apanguichicchu. Maipipish imata ruhuacca, japinata charinmi.

SAN LUCAS 22:35

Shinallatac Jesusca paicunaman tapushpami: —Ñuca cancunata cucayu illacllatac, cullqui illacllatac, shinallatac ushuta illacllatac cachacpica, ¿ima illac carcanguichicchu?— nicpi yachacuccunaca: —Mana ima illarcachu— nircacuna.

SAN LUCAS 22:37

Cancunaman ninimi: Taita Dios ñaupaman ñuca ima tucuna cashcata quillcachishpaca: ‘Millai runacunata shinami llaquichishca canga’ nishcaca, pactanatacmi can. Shinallatac ñucamanta Taita Dios tucui quillcachishcaca pactangami— nirca.

SAN LUCAS 22:38

Chashna nicpimi yachacuccunaca: —Apunchic Jesús, riqui. Ishcai espadacunatami charinchic— nicpi: —Chaitaca, ña upalla caichic— nirca.

SAN JUAN 15:20

‘Maijan servicpish amotaca mana yallichu’ nishpa, ñacaman huillashcataca yuyarichic. Ñucatapish mana ricunachishpa llaquichircacunami. Shinallatacmi cancunatapish llaquichingacuna. Ñuca ima nishcata cazushca cashpaca, cancuna nishcatapish cazungacunami.

SAN JUAN 16:33

Tucui caicunataca cancuna ñucahuan shuc shinalla cashcata yachashpa, shungupi yallita cushicuita charichunmi nini. Cai pachapica cancunaca llaquita apanguichicmi. Shina cacpipish, cai pacha mana allicunata ñuca mishashcata yuyarishpa, ama manchashpa cushicuichiclla— nirca.

1 TESALONICENSES 3:4

Ñucanchic cancunahuan cashpaca: “Cai shina llaquicunataca apanallatacmi canchic” nishpami huillarcanchic. Chai shina llaquicunaca cancunaman huillashca shinallatacmi pactashca. Chaitaca ña yachanguichicmi.

1 PEDRO 4:1

Shina cashcamantaca, Cristo ima shinami ñucanchic juchacunamanta paipac cuerpopi llaquita aparca, chai shinallatac cancunapish llaquita apanalla caichic. Maijanpish cuerpopi llaquita apacca, jucha mandashca causanatami saquin.