SAN LUCAS 21:25 - Nuevo Testamento en Quichua Cañar 1996

²⁵ Chai q'uipaca intipipish, quillapipish, shinallatac lucerocunapipish jaicapi mana ricushcacunami ricuringa. Cutin cai pacha llactacunapi causaccunaca mama cucha yacucuna caiman chaiman cuyurishpa huajiacta ricushpaca, mancharinacushpami yuyaita chingachingacuna.

Dios Rimashcata Quillcashcami

²⁵ Intipipish, quillapipish, lucerocunapipish jaicapi mana ricushcacunami ricuringa. Cutin cai pachapica mama cucha yallita cuyurishpa huajiacta ricushpami yallita mancharishpa, yuyaita chingachinga.

SAN LUCAS 21:25 Iomraidhean Croise

SAN MATEO 24:29

Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu. Lucerocunapish jahuamanta urmangami. Shinallatac jahua cielopi imalla tiyac jatuncunapish chucchungami.

SAN MATEO 27:45

Chaupi punzhamanta quimsa horas chishi tucungacamanmi, tucui cai pachaca amsayarca.

MARCOS 13:24

Chai ima mundo llaqui punzhacuna tiyashca q'uipaca, intipish amsayangami, quillapish mana achicyachingachu.

MARCOS 13:26

Chashna tucucpica, Runa Tucungapac shamushca*f** ñucataca imatapish ruhuaclla cashcahuan, sumaimana achiclla cashcahuan achicyachishpa, p'uyupi shamucuctami ricungacuna.

MARCOS 15:33

Chaupi punzhamanta quimsa horas chishi tucungacamanmi, tucui cai pachaca amsayarca.

SAN LUCAS 21:24

Chai punzhacunapica maijancunataca macanacuipi espadahuanmi huañuchingacuna. Maijancunataca huatashpami, tucui llactacunaman prezu apangacuna. Taita Dios llaquichichun saquishca punzhacuna pactangacamanmi, Jerusalenpi causaccunataca mana israelcunaca*f** paicuna munashcata ruhuashpa llaquichingacuna.

SAN LUCAS 21:26

Cai pachapi chashna mai llaquicuna c'atipi shamucpi, shinallatac jahua cielopi imalla tiyaccunapish chucchucpicarin, gentecunaca ashtahuanmi mancharishpa, yuyaita chingachingacuna.

HECHOS 2:19

Jahua pachapica, pi mana ricushcata ricuchishami. Shinallatac cai pachapipish, yahuarta, ninata, cushni p'uyuta ricuchishami.

APOCALIPSIS 20:11

Chai q'uipaca shuc jatun yuraclla mandashpa tiyarinapi shuc tiyacuctami ricurcani. Paipac ñaupamantaca cai pachapish, jahua pachapish tucui chingarishpami maipi mana ricurirca.