SAN LUCAS 21:16 - Nuevo Testamento en Quichua Cañar 1996

¹⁶ Cancunataca alli ricsishcacunallatac, quiquin huasi ucupurallatac, huauquicunallatac, taita mamacunacamanmi huañuchichun japichingacuna. Chashna japichicpica, maijan cancunataca huañuchingacunami.

Dios Rimashcata Quillcashcami

¹⁶ Cancunataca ricsishcacunallatac, familiacunallatac, huauquicunallatac, taita mamacunallatacmi huañuchichun japichinga. Chashna japichicpica, maijan cancunataca huañuchingami.

SAN LUCAS 21:16 Iomraidhean Croise

SAN MATEO 10:21

Huauquica quiquin huauquillatatac, taitaca quiquin huahuacunallatatac huañuchichunmi japichinga. Shinallatac huahuacunapish taita mamata p'iñashpami, huañuchichun japichingacuna.

MARCOS 13:12

Huauquica, quiquin huauquitami huañuchichun japichinga. Taitapish, quiquin churita huañuchichun japichingami. Shinallatac churicunapish, taita mamata p'iñashpa huañuchichingacunami.

SAN LUCAS 12:53

Taitaca churita, churica taitata, mamaca huarmi huahuata, huarmi huahuaca mamata, suedraca nuerata, nueraca suedratami p'iñanga” nirca.

SAN LUCAS 21:15

Ñucallatacmi cancunamanca imata rimana alli yuyaicunata cusha. Chashna allita rimacpica, cancunata p'iñaccunaca mana imata ni pudishpa, upalla saquiringacunallami.

SAN LUCAS 21:17

Ñucata c'aticushcamantami, cancunataca tucui gentecuna p'iñashpa mana ricunachingacuna.

HECHOS 12:2

Chashna japichishpaca, Juanpac huauqui Jacobotami espadahuan huañuchichun mandarca.

HECHOS 7:59

Paicuna rumicunahuan shitacucpimi, Estebanca: “Apunchic Jesús, ñuca almata pushaiyari” nishpa mañarca.

APOCALIPSIS 12:11

Paicunaca Pactalla Oveja*f** huañushpa yahuarta jichashcamantapish, alli huillaita huillashcamantapish chai llaquichictaca mishashcami. Shinallatac huañuna cacpipish, mana manchashpami c'atircacuna.

APOCALIPSIS 2:13

Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.

APOCALIPSIS 6:9

Pichca niqui unanchishcata Pactalla Oveja pascacpica, Diosmanta allita huillashcamanta huañuchishcacunapac almacuna altar ucupi cactami ricurcani.