SAN LUCAS 20:35 - Nuevo Testamento en Quichua Cañar 1996

³⁵ ashtahuanpish huañushcacuna causarina punzhapica, maijanpish huiñai causaiman yaicunapac caccuna causarishpaca, c'ari cashpapish, huarmi cashpapish ña mana cazarangacunachu.

Dios Rimashcata Quillcashcami

³⁵ ashtahuanpish huañushcacuna causari punzhapica, maijanpish huiñai causaiman yaicuccunaca, caripish, huarmipish mana cazarangachu, shinallatac mana cazarachingacunachu.

SAN LUCAS 20:35 Iomraidhean Croise

SAN MATEO 12:32

Shinallatac Runa Tucungapac shamushca*f** ñucata mana alli nishpa rimactapish, Taita Diosca perdonangami. Ashtahuanpish Diospac Espirituta mana alli nishpa rimactaca, cai pachapipish, q'uipa punzhapipish Taita Diosca manatac perdonangachu.

SAN MATEO 22:29

Chashna nicpi Jesusca: —Cancunaca Dios quillcachishcapi ima nicushcatapish, Taita Dios imatapish ruhuaclla cashcatapish mana yachashpami, yalli pandaricunguichic.

MARCOS 10:42

Chaimantami Jesusca paicunata c'ayashpa cashna nirca: —Cai pachapi mandaccunallami, paicunapac llactapi causaccunataca paicuna munashcata ruhuachishpa charincuna. Shinallatac mandaccunapurapipish, maijan ashtahuan jatun cashpaca, paicunatapish mandanllami. Chaitaca cancunallatac yachanguichicmi.

MARCOS 12:24

Chashna nicpimi, Jesusca cashna nirca: —Cancunaca Dios quillcachishcapi ima nishcatapish, Taita Dios imatapish ruhuaclla cashcatapish mana yachashpami, yallita pandaricunguichic.

SAN LUCAS 16:8

Amo chaita yachashpaca, chai mana allita ruhuac mayordomotaca ‘yuyaisapami cashca’ nirca. Chashnami Diosta mana cazuccunapish paicunapura ima allita ruhuangapacca, Diosta c'aticcunata atishpa yuyaita charincuna.

SAN LUCAS 21:36

Chashna tucuna cashcamanta cancunaca allichirishca, ña rinallami cana canguichic. Chai tucui llaqui japinamanta quishpiringapacca, Runa Tucungapac shamushca ñucapac ñaupapi alli ricuringapacpish, Taita Diosman mañaracuichiclla— nirca.

SAN JUAN 5:29

Huañushcacuna causarina punzhapica, allita ruhuaccunaca causaita japingapacmi enterrashcamanta causaringacuna, ashtahuanpish mana allita ruhuaccunaca llaqui pachaman cachashca cangapacmi enterrashcamanta causaringacuna.

HECHOS 24:15

Huañushcacunataca allicunata mana allicunatapish, Taita Diosca causachina cashcatami cushicushpa shuyacuni. Ñucata juchanchiccunapish chashnallatacmi shuyacuncuna.

HECHOS 5:41

Ña mandaccuna cacharicpi llucshishpaca: “¡Jesús llaquita apashca shinami, paita c'aticushcamanta Taita Diosca ñucanchictapish llaquita apachun saquishca!” nishpami, Jesús acllashca huillaccunaca munai cushicushpa rircacuna.

2 TESALONICENSES 1:5

Chai shina cancuna llaquita apachun Taita Dios saquishpaca, pai imapish cashcatatac ruhuashpa taripac cashcatami ricuchicun. Taita Dios maipi mandacucman yaicuchunmi, chai shina llaquita apachun saquishca.

HEBREOS 11:35

Crishcamantami huarmicunapish, paicunapac aillupuramanta huañushca cashpapish, causarishcata chasquircacuna. Cutin shuccunaca causarina punzhapi sumac causaita japingapacmi, cacharishun nicucpipish mana uyashpa, huañunalla llaquita apashpa huañurcacunalla.

APOCALIPSIS 3:4

Shina cashpapish Sardis pueblopi causac cancunapurapica, churanacunata mana mapayachishcacunaca taucacunami tiyan. Paicunaca japina cashcamantami, ñucahuan yuraclla churana churashca puringacuna.