SAN LUCAS 2:7 - Nuevo Testamento en Quichua Cañar 1996

⁷ Pozana huasi mana pactashcamantami, paipac punta c'ari huahuataca huagracuna shayana ucullapi sajuarirca. Chai huahuataca maitushpa, ucsha jahuallapimi sirichirca.

Dios Rimashcata Quillcashcami

⁷ Pozana huasi mana pactashcamantami, paipac punta cari huahuataca huagracuna shayana ucupi sajuarirca. Chai huahuataca maitushpami, ucsha jahuallapi sirichirca.

SAN LUCAS 2:7 Iomraidhean Croise

SAN MATEO 1:25

Joseca chashna cazarashpapish mana chayarinacushpami, María chai huahuata charingacamanca causarca. Chai huahuataca JESÚS shutitami shutichirca.

SAN MATEO 13:55

Paica carpinteropac churillami. Paipac mamapish Mariami. Paica Jacobopac, Josepac, Simonpac shinallatac Judaspac huauquimi.

SAN MATEO 8:20

Chashna nicpi Jesusca: —Atuccunapish, maipi suiñuna jutcuta charinmi. Zhutacunapish, maipi suiñuna c'uzhata charinmi. Ashtahuanpish Runa Tucungapac shamushca*f** ñucaca, maipi umata samachinallatapish mana charinichu— nirca.

SAN LUCAS 10:34

chai runapacman cuchuyashpaca, chugricunata aceitehuan, vinohuan jambishpa, pañuhuan pilluchirca. Chashna ruhuashpaca, paipac burropi tiyachishpami, shuc pozana huasiman apashpa chaipi alli cuidarca.

SAN LUCAS 2:6

Paicuna Belenman ña chayacpimi, María sajuarinaca pactarca.

SAN LUCAS 2:8

Chai Belén pueblo cuchullapica, michiccunami paicunapac ovejacunata tuta cuidacurcacuna.

SAN JUAN 1:14

Chai Rimashca Shimillatacmi runa tucushpa, yallita c'uyashpapish, Dios ima shina cashcata ricuchishpapish ñucanchichuan causangapac shamurca. Paitaca Taita Diospac shuclla Churi cashcatapish, pai sumac cashcatapish ricurcanchicmi.

2 CORINTIOS 8:9

Ñucanchic Apunchic Jesucristo mai c'uyac cashcataca, cancunaca ña yachanguichicmi. Paica achcata charic cashpapish, cancunamantami imata mana charic huaccha tucurca. Chai shina huaccha tucushcamantami, cancunaca achcata chariccuna shina tucunguichic.

GÁLATAS 4:4

Shina cacpipish cachana punzha pactacpimi, Taita Diosca shuc huarmimanta huacharichun paipac Churitaca cacharca. Paica Moisés mandashcacunataca tucuitami cazushpa causarca.