SAN LUCAS 2:49 - Nuevo Testamento en Quichua Cañar 1996

⁴⁹ Chashna nicpi Jesusca: —¿Ima nishpatac ñucataca chashna mashcacurcanguichic? Ñucaca ñuca Taitapac huasipi cana cashcataca, ¿manachu yacharcanguichic?— nirca.

Dios Rimashcata Quillcashcami

⁴⁹ Chaimantami Jesusca: —¿Imapactac mashcacurcanguichic? ¿Manachu Taitapac huasipi ñuca cana cashcataca yacharcanguichic?— nirca.

SAN LUCAS 2:49 Iomraidhean Croise

SAN MATEO 21:12

Diosman mañana huasiman Jesús yaicushpaca, chaipi c'atuccunatapish, randiccunatapish llucchishpami cacharca. Cullquita cambiana mizacunatapish, paloma c'atuna mizacunatapish tigrachishpami shitarca.

SAN LUCAS 2:48

Jesús chaipi tiyacucta paipac taita mama ricushpaca, paicunapish mancharishpami mana amirircacuna. Chaimantami paipac mama Mariaca: —Huahua, ñucanchicca llaquillami mashcacurcanchic. ¿Ima nishpatac ñucanchictaca cashnaca ruhuangui?— nirca.

SAN JUAN 4:34

Shina nicpi, Jesusca cashnami nirca: —Ñuca micuna shinaca ñucata cachac Taita Diospac munaita ruhuanami, shinallatac pai imata ruhuachun nishcata tucuchinami.

SAN JUAN 5:17

Ashtahuanpish Jesusca: —Ñuca Taitaca cunancamanmi caicunataca ruhuacun. Chaimantami ñucapish caicunata ruhuacuni— nirca.

SAN JUAN 5:36

Shina cacpipish ñuca pi cashcata ricuchingapacca, Juan huillashcata yalli ricuchictami charini. Ñucaca ñuca Taita ruhuachun nishcacunallatami ruhuacuni. Chai ruhuashcacunami ñuca Taita cachashcatapish, ñuca pi cashcatapish ricuchin.

SAN JUAN 6:38

Ñuca jahua pachamanta shamushpaca, mana ñuca munashcata ruhuangapac shamurcanichu, ashtahuanpish ñucata cachac Taita munashcata ruhuangapacmi shamurcani.

SAN JUAN 8:29

Ñucata Cachacca ñucahuanmi. Ñucaca pai munashcallatami ruhuani. Chaimantami paica mana ñucallata saquin— nirca.

SAN JUAN 9:4

Punzha tiyacpiracmi, ñucata Cachacpacta imatapish ruhuana canchic. Ña tutayacpica, pi imata mana ruhuangachu.