SAN LUCAS 2:37 - Nuevo Testamento en Quichua Cañar 1996

³⁷ Shinami, ña pusac chunga chuscu huatata viuda causarca. Chai yuyac huarmica Diosman mañana huasiman rinata mana saquishpami, tutapish, punzhapish Diosta servishpa, ayunashpa, Taita Diosman mañashpa causac carca.

Dios Rimashcata Quillcashcami

³⁷ Paica pusac chunga chuscu huatatami viuda carca. Chai yuyac huarmica Diosta mañana huasimanta mana llucshishpami, punzhanta Diosta servishpa, mañashpa ayunashpa, causac carca.

SAN LUCAS 2:37 Iomraidhean Croise

SAN LUCAS 5:33

Jesús chashna nicpimi, chai tapuccunaca: —Bautizac Juanpac yachacuccunapish, fariseocunapac*f** yachacuccunapish tauca cutinmi ayunashpa, Taita Diosman mañancuna. ¿Ima nishpatac cambac yachacuccunaca mana chashna ruhuashpa micuncunalla, ubiancunallari?— nircacuna.

HECHOS 13:3

Ña ayunashpa mañashca q'uipaca, Bernabepac, Saulopac uma jahuapi maquita churashpami: “Allilla ringuichic” nishpa cacharcacuna.

HECHOS 14:23

Shinallatac tandanacushca criccunapurapica, maipipish pushac runacunataca acllarcacunami. Chashna acllashpaca, ayunashpa Taita Diosman mañashpami, paicuna crishca Apunchic Jesusman mingarcacuna.

HECHOS 26:7

Jatun mandac Agripalla, huañushcacunata Taita Dios causachinataca, ñucanchic chunga ishcai aillu israelcunaca shuyashpa, tutapish punzhapish Taita Dios mandashcacunata pactachishpami causacunchic. Huañushcacunata causachina cashcatatac ñucapish crishcamantami, israelcunaca ñucataca juchanchicuncuna.

1 TIMOTEO 5:5

Imatapish mana charic viuda huarmica Taita Diospi shunguta churashpami, “paica cungallami” nishpa punzhapish, tutapish mañacunlla.

APOCALIPSIS 3:12

Maijanpish millaita mishaccunamanca, ñuca Diosman mañana huasi ucupi cac pilar shina canatami cusha. Chaimantaca jaicapi mana llucshingacunachu, shinallatac paicunapica ñuca Diospac shutitapish, ñuca Diospac pueblopac shutitapish quillcashami. Chaica jahua pacha Taita Diospacmanta shamuc mushuc Jerusalenmi canga. Shinallatac paicunapica ñucapac mushuc shutitapish quillcashami.

APOCALIPSIS 7:15

Chaimantami Diosman mañana huasipi, Taita Dios mandashpa tiyarinapac ñaupapi tutapish, punzhapish paipacta ruhuancuna. Shina cacpimi mandashpa tiyarinapi tiyacucca pai chaipi cashcamanta tucui imapipish huacaichinga.